У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

12 Крс 2019

Беларуска-расійскі план мерапрыемстваў у сферы маладзёжнай палітыкі падпісаны ў Маскве

Беларуска-расійскі план мерапрыемстваў у сферы маладзёжнай палітыкі падпісаны ў Маскве
Фота з архіву

12 красавіка, Мінск /Кар. БЕЛТА/. Мінадукацыі Беларусі і Міністэрства навукі і вышэйшай адукацыі Расіі падпісалі ў Маскве сумесны план мерапрыемстваў у сферы дзяржаўнай маладзёжнай палітыкі на 2019 год. Аб гэтым БЕЛТА паведамілі ў прэс-цэнтры беларускага ведамства па выніках сумеснага пасяджэння калегій Міністэрства адукацыі, ДКНТ Беларусі і Міністэрства навукі і вышэйшай адукацыі, Мінасветы Расіі, якое адбылося 11 красавіка ў Маскве.

У прэс-цэнтры звярнулі ўвагу, што сумесная калегія стала першай пасля сустрэчы кіраўнікоў дзвюх дзяржаў у Сочы ў лютым 2019 года. "Тады сярод іншага былі сфармуляваны даручэнні па збліжэнні адукацыйных і навуковых стандартаў і маладзёжных праграм. Менавіта гэтаму і было прысвечана пасяджэнне, на якім разглядаліся прыярытэтныя напрамкі і першачарговыя задачы развіцця Саюзнай дзяржавы на 2018-2022 гады ў частцы фарміравання агульнай адукацыйнай прасторы і маладзёжнай палітыкі", - адзначылі ў Мінадукацыі.

Удзельнікі калегіі абмеркавалі перспектывы прафесійна-тэхнічнай і вышэйшай адукацыі. "Дасягнуты дамоўленасці па практычных пытаннях удасканалення і функцыянавання Беларуска-Расійскага ўніверсітэта ў Магілёве, абмеркаваны канкрэтныя планы па ўзаемадзеянні ў сферы маладзёжнай палітыкі", - канстатавалі ў прэс-цэнтры.

Міністр адукацыі Беларусі Ігар Карпенка па выніках пасяджэння адзначыў, што адукацыйныя сістэмы дзвюх краін інтэгруюцца. "У Беларусі, таксама як і ў Расіі, займаюцца павышэннем якасці адукацыі, шукаюць механізмы, каб зрабіць яе больш канкурэнтаздольнай. У тым ліку вырашаюцца пытанні навукова-метадычнага забеспячэння і глабальныя пытанні сацыялізацыі моладзі, падрыхтоўкі маладых людзей да самастойнага жыцця", - сказаў ён.

Старшыня ДКНТ Аляксандр Шумілін падкрэсліў, што на пасяджэнні калегій сабраліся прадстаўнікі ведамстваў, якія курыруюць навуку і адукацыю. "Адукацыя неаддзельная ад навукі. Гэтыя пытанні трэба разглядаць у комплексе, рэалізоўваць сумесныя дзяржаўныя праграмы", - перакананы ён.

Абмяркоўваліся таксама пытанні навукова-тэхнічнага супрацоўніцтва, перспектывы стварэння асацыяцыі рэктараў ВНУ Расіі і Беларусі. Расійскі бок выказаў зацікаўленасць у тым, каб пераймаць беларускі вопыт у сферы школьнай адукацыі, расшыраць напрамкі сумеснай дзейнасці ў гэтай сферы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс