Падзеі

Андрэй Дапкюнас адзначыў неабходнасць забеспячэння ўстойлівага развіцця ў пацярпелых рэгіёнах і прадставіў прапановы Беларусі па напаўненні далейшага міжнароднага супрацоўніцтва па чарнобыльскіх пытаннях з удзелам арганізацый сістэмы ААН і зацікаўленых дзяржаў. Паводле слоў дыпламата, МАГАТЭ - адзіная міжнародная арганізацыя, якая цяпер аказвае тэхнічную дапамогу Беларусі па чарнобыльскай праблематыцы. У сувязі з гэтым ён заклікаў Сусветную арганізацыю аховы здароўя, Харчовую і сельскагаспадарчую арганізацыю ААН і Дзіцячы фонд ААН да больш актыўнага ўключэння ў праектную дзейнасць на гэтым напрамку.

Намеснік міністра праінфармаваў аб мерах, якія прымаюцца беларускім бокам для сацыяльна-эканамічнага развіцця пацярпелых рэгіёнаў, адзначыўшы набыты Беларуссю ўнікальны вопыт у гэтай сферы і гатоўнасць дзяліцца ім.

Мерапрыемства было арганізавана ПРААН па ініцыятыве Беларусі. На ім абмеркавалі рэалізацыю рэзалюцыі Генасамблеі ААН "Доўгатэрміновыя наступствы чарнобыльскай катастрофы", якая была падрыхтавана дэлегацыяй Беларусі і прынята ў снежні 2016 года. Удзельнікі пасяджэння разгледзелі вынікі міжнароднага чарнобыльскага супрацоўніцтва за апошні год і абмеркавалі прапановы па арганізацыі далейшага ўзаемадзеяння ў гэтай галіне ў адпаведнасці з чарнобыльскай рэзалюцыяй.

У Нью-Ёрку Андрэй Дапкюнас таксама сустрэўся з адміністратарам ПРААН Ахімам Штайнерам. Бакі абмеркавалі вынікі першага рэгіянальнага форуму каардынатараў па мэтах устойлівага развіцця, які прайшоў у Мінску ў лютым, і дамовіліся прадоўжыць сумесныя намаганні па выкананні Беларуссю мэт устойлівага развіцця.