Падзеі

Беларусь заклікае не палітызаваць міграцыйны крызіс, а вырашаць праз супрацоўніцтва ўсіх бакоў

Фота з архiва

1 снежня, Мінск /Кар. БЕЛТА/. Беларусь заклікае не палітызаваць міграцыйны крызіс, а вырашаць праз супрацоўніцтва ўсіх бакоў. Адпаведную заяву зрабіў пастаянны прадстаўнік Беларусі пры Аддзяленні ААН і іншых міжнародных арганізацыях у Жэневе Юрый Амбразевіч на сесіі Савета Міжнароднай арганізацыі па міграцыі (МАМ), паведамілі БЕЛТА ў беларускай дыпмісіі.

Кіраўнік беларускай дэлегацыі выступіў у час агульнай дыскусіі сесіі. Юрый Амбразевіч вітаў дзейнасць МАМ на працягу сямі дзесяцігоддзяў па пашырэнні ўпарадкаванай, рэгулярнай і бяспечнай міграцыі ў свеце.

Пастаянны прадстаўнік звярнуў асаблівую ўвагу на сітуацыю з мігрантамі на граніцы Беларусі з краінамі Еўрапейскага саюза. "У прыватнасці, ён адзначыў неабходнасць вырашэння міграцыйнага крызісу праз супрацоўніцтва ўсіх зацікаўленых бакоў, а не палітызацыю праблемы, і выказаў гатоўнасць Беларусі да такога супрацоўніцтва", - расказалі ў дыпмісіі.

Юрый Амбразевіч таксама вітаў актыўнае падключэнне Міжнароднай арганізацыі па міграцыі да вырашэння крызісу.

версія для друку

зрабіць стартавай

дабавіць у выбранае