Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

13 Nov 2017

Беларусь заклікае да захавання ўніверсальнасці сістэмы развіцця ААН і яе непалітызаванасці

Фота МЗС13 лістапада, Мінск /Аліна Грышкевіч - БЕЛТА/. Беларусь заклікае да захавання ўніверсальнасці сістэмы развіцця ААН і яе непалітызаванасці. На гэтым акцэнтаваў увагу Пастаянны прадстаўнік Беларусі пры ААН Валянцін Рыбакоў, выступаючы на брыфінгу генеральнага сакратара, прысвечаным пытанням рэарганізацыі сістэмы развіцця ААН, паведамілі БЕЛТА ў прэс-службе МЗС.

Валянцін Рыбакоў абазначыў падыходы Беларусі да рэфармавання сістэмы развіцця і выказаў надзею, што работа па рэарганізацыі будзе нацэлена на адраснае вырашэнне праблемных аспектаў функцыянавання сістэмы. "Беларускі дыпламат заклікаў да захавання ўніверсальнасці сістэмы развіцця, яе непалітызаванага характару, а таксама вызначальнай ролі ўрадаў у выбары метадаў і сродкаў дасягнення мэт устойлівага развіцця ў сваіх дзяржавах", - падкрэслілі ў прэс-службе МЗС.

Ён адзначыў, што для Беларусі важнае значэнне мае тое, як пасля рэарганізацыі сістэма развіцця будзе функцыянаваць на краінавым узроўні, і акрэсліў найбольш актуальныя для рэспублікі пытанні.

Пастаянны прадстаўнік падкрэсліў, што рэформа такога важнага сегмента работы ААН, як развіццё, не павінна прывесці да збояў у рабоце краінавых офісаў і стварыць дадатковыя задачы і фінансавыя абцяжаранні для краін-рэцыпіентаў.

Валянцін Рыбакоў таксама сказаў, што Беларусь разлічвае: усе элементы праводзімай рэарганізацыі будуць заснаваны на прынцыпе адпаведнасці аператыўнай дзейнасці нацыянальным прыярытэтам дзяржаў-рэцыпіентаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі