Падзеі
Беларусь хоча заключыць з ЕС новае пагадненне для развіцця адносін
4 студзеня, Мінск /Кар. БЕЛТА/. Беларусь хоча заключыць з ЕС новае пагадненне для развіцця адносін. Аб гэтым у эфіры тэлеканала "Беларусь 1" заявіў міністр замежных спраў Беларусі Уладзімір Макей, паведамляе БЕЛТА.
"Мы павінны дабіцца таго, каб пачаць выбудоўваць адносіны з Еўрасаюзам у будучым на аснове новага дакумента паміж Беларуссю і ЕС. Сёння мы развіваем наша супрацоўніцтва на аснове тых пагадненняў, якія былі заключаны паміж СССР і Еўрапейскім эканамічным супольніцтвам", - растлумачыў Уладзімір Макей.
Міністр нагадаў, што Беларусь заўсёды выступала за раўнапраўны і паўнацэнны дыялог з заходнімі партнёрамі - ЕС і ЗША. Канчатковым захадам пры гэтым павінна стаць поўная адмена абмежавальных мер, што вывела б супрацоўніцтва на зусім новы ўзровень. "Ніякіх новых умоў для адмены санкцый быць не павінна", - дадаў ён.
версія для друку
зрабіць стартавай
дабавіць у выбранае