У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

21 Снж 2017

Беларусь вывучае вопыт Славакіі ў арганізацыі нагляду за бяспекай АЭС

21 снежня, Мінск /Кар. БЕЛТА/. Беларусь вывучае вопыт Славакіі ў арганізацыі нагляду за бяспекай АЭС, паведамілі БЕЛТА ў Дэпартаменце па ядзернай і радыяцыйнай бяспецы МНС (Дзяржатамнаглядзе) па выніках візіту дэлегацыі дэпартамента ў Камітэт па атамным наглядзе Славакіі.

Беларускія спецыялісты вывучылі вопыт славацкага рэгулюючага органа ў частцы арганізацыі нагляду за забеспячэннем бяспекі на энергаблоках АЭС з выкарыстаннем дыферэнцыраванага падыходу (падыход, пры якім склад і інтэнсіўнасць наглядных мерапрыемстваў залежыць ад ступені патэнцыяльнай небяспекі аб'екта. Славацкі бок расказаў аб працэдурах планавання і правядзення інспекцый рознай накіраванасці і тэматыкі як пры ўзвядзенні блокаў АЭС, так і пры іх эксплуатацыі, у тым ліку на прыкладзе АЭС Мохаўцэ (аснашчана рэактарамі ВВЭР - такога ж тыпу, што і на Беларускай АЭС).

Інфармацыя, атрыманая ад славацкіх калег, будзе выкарыстана пры рэалізацыі рэкамендацый місіі МАГАТЭ па комплекснай ацэнцы рэгулюючай інфраструктуры ядзернай і радыяцыйнай бяспекі Беларусі (місія IRRS) 2016 года ў частцы ўдасканалення дыферэнцаванага падыходу пры планаванні і правядзенні інспекцый на пляцоўцы ўзвядзення БелАЭС, а таксама пры распрацоўцы інспекцыйных праграм на этапе ўводу энергаблокаў станцыі ў эксплуатацыю.

Бакі абмеркавалі таксама агульныя пытанні далейшага развіцця двухбаковага супрацоўніцтва.

Мемарандум аб узаемаразуменні паміж МНС Беларусі і Камітэтам па атамным наглядзе Славакіі ў галіне дзяржаўнага рэгулявання ядзернай бяспекі падпісаны ў красавіку 2017 года. Ён прадугледжвае супрацоўніцтва па асноўных напрамках рэгулюючай дзейнасці, уключаючы абмен вопытам па пытаннях нагляду, ацэнкі бяспекі, прыёмкі і мантажу абсталявання для атамнай электрастанцыі, аварыйнай гатоўнасці і рэагавання.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс