Падзеі

Беларусь выказала занепакоенасць у сувязі з ізраільскімі авіяўдарамі па Катары

Фота з архiва

10 верасня, Мінск /Кар. БЕЛТА/. У Беларусі з занепакоенасцю ўспрынялі інфармацыю аб ізраільскіх авіяўдарах па сталіцы Катара - горадзе Доха. З такой заявай выступіла Міністэрства замежных спраў, паведамляе БЕЛТА.

"Выступаем рашуча супраць атак на тэрыторыі суверэнных дзяржаў у парушэнне Статута ААН і норм міжнароднага права. Нападзенне на Катар тым больш цынічна, што ўчынена ў адносінах да дзяржавы, якая на працягу доўгага часу выконвала міратворчыя функцыі ў мэтах вызвалення заложнікаў і спынення палесціна-ізраільскага канфлікту", - падкрэслілі ў ведамстве.

У МЗС выказалі салідарнасць з занепакоенасцю міжнароднай супольнасці аб тым, што такія дзеянні могуць узмацніць рэгіянальную напружанасць і негатыўна паўплываць на пошук шляхоў хутчэйшага спынення агню ў сектары Газа.

"Інфармацыя аб пацярпелых грамадзянах Рэспублікі Беларусь адсутнічае. Настойліва рэкамендуем грамадзянам, якія знаходзяцца ў Досе, прытрымлівацца ўказанняў мясцовых улад па безумоўным забеспячэнні асабістай бяспекі і падтрымліваць сувязь з дыпламатычным прадстаўніцтвам Рэспублікі Беларусь", - заклікалі ў ведамстве.

Тэлефон экстраннай сувязі з пасольствам Беларусі ў Катары +97450215358.

версія для друку

зрабіць стартавай

дабавіць у выбранае