Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Jun 2020

Беларусь разлічвае на плённыя перагаворы з ЕС па рамачным і мытным пагадненнях - Макей

Беларусь разлічвае на плённыя перагаворы з ЕС па рамачным і мытным пагадненнях - Макей
Уладзімір Макей

11 чэрвеня, Мінск /Кар. БЕЛТА/. Беларусь разлічвае на плённыя перагаворы з ЕС па рамачным і мытным пагадненнях. Аб гэтым міністр замежных спраў Уладзімір Макей заявіў сёння ў час відэаканферэнцыі кіраўнікоў знешнепалітычных ведамстваў краін - удзельніц ініцыятывы ЕС "Усходняе партнёрства", паведамілі БЕЛТА ў прэс-службе МЗС.

"Для Беларусі адным з адчувальных вынікаў "Усходняга партнёрства" за апошняе дзесяцігоддзе з'яўляецца падпісанне пагадненняў аб спрашчэнні візавага рэжыму і рэадмісіі, якія ўступяць у сілу з 1 ліпеня. Цяпер мы разлічваем на плённыя перагаворы з ЕС па мытным пагадненні і пачатак перагавораў па рамачным пагадненні Беларусь - ЕС у якасці наступных лагічных крокаў", - сказаў Уладзімір Макей.

Ён падкрэсліў, што Беларусь па-ранейшаму прыхільная да бачання "Усходняга партнёрства" як неканфрантацыйнага праекта, накіраванага на стварэнне зоны міру, стабільнасці і працвітання ў рэгіёне. На яго думку, гэта ініцыятыва ЕС павінна адпавядаць індывідуальным патрэбнасцям і амбіцыям кожнага з партнёраў, матывуючы іх на сумесную работу, быць блізкім да людзей і прыносіць адчувальныя вынікі. "Мы гатовы і ў далейшым садзейнічаць таму, каб гэта будучае стала рэальнасцю", - заявіў міністр.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі