Падзеі

Беларусь ратыфікавала міжурадавае пагадненне з Аманам аб узаемнай адмене віз

Фота з архiва

27 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка падпісаў закон аб ратыфікацыі пагаднення паміж урадамі Беларусі і Амана аб узаемнай адмене віз. Аб гэтым БЕЛТА паведамілі ў прэс-службе кіраўніка дзяржавы.

У адпаведнасці з пагадненнем грамадзяне дзвюх краін - уладальнікі дзеючых пашпартоў вызваляюцца ад неабходнасці атрымання віз для ўезду, выезду і транзіту, калі працягласць іх бесперапыннага знаходжання на тэрыторыі прымаючага боку не перавышае 30 дзён з даты ўезду, а агульная працягласць знаходжання на працягу каляндарнага года не перавышае 90 дзён.

Рэалізацыя гэтага міжнароднага дагавора будзе садзейнічаць развіццю і ўмацаванню супрацоўніцтва паміж Беларуссю і Аманам, спрашчэнню ўзаемных паездак грамадзян.

версія для друку

зрабіць стартавай

дабавіць у выбранае