VI Усебеларускі народны сход
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

11 Май 2020

Беларусь прымае ўсе неабходныя меры для бяспекі АЭС - Мінэнерга

Беларусь прымае ўсе неабходныя меры для бяспекі АЭС - Мінэнерга
Фота з архiва

11 мая, Мінск /Кар. БЕЛТА/. Беларусь прымае ўсе неабходныя меры для бяспекі БелАЭС, заявіў намеснік міністра энергетыкі Міхаіл Міхадзюк сёння на відэабрыфінгу ў прэс-цэнтры БЕЛТА.

"Мы прымаем усе неабходныя меры, каб наша станцыя была бяспечнай. Мы сёння ў гэтым зацікаўлены, напэўна, больш за ўсіх нашых суседзяў, паколькі перажылі чарнобыльскую трагедыю і разумеем, што гэта такое", - адзначыў Міхаіл Міхадзюк, каменціруючы пазіцыю літоўскага боку адносна будаўніцтва БелАЭС.

На яго думку, у пазіцыі Літвы акрамя палітыкі больш нічога няма. "Мы ведаем, што літоўскі бок у свой час таксама ініцыяваў будаўніцтва новай атамнай электрастанцыі, але, на жаль, ім не ўдалося гэты праект рэалізаваць па розных прычынах", - нагадаў намеснік міністра.

Міхаіл Міхадзюк звярнуў увагу, што шэраг краін Еўрапейскага саюза пачаў  рэалізацыю аналагічнага Беларускай АЭС праекта. "Тым больш нам не паступалі пытанні з літоўскага боку ад спецыялістаў, якія разумеюць пытанні ядзернай бяспекі. Усе пытанні больш ад палітыкаў", - дадаў ён.

Што датычыцца камплектацыі АЭС кадрамі, то намеснік міністра растлумачыў: для першага энергаблока персанал цалкам падрыхтаваны, ён атрымаў адпаведныя ліцэнзіі ад рэгулятара для эксплуатацыі блока. У асноўным завершаны набор персаналу і для другога блока, вядзецца яго падрыхтоўка.

Міхаіл Міхадзюк адзначыў, што на БелАЭС былі запрошаны спецыялісты з іншых краін. У першую чаргу гэта расійскія і ўкраінскія спецыялісты з вопытам работы на атамных станцыях. Уласныя кадры рыхтавалі ў вучэбна-трэніровачным цэнтры БелАЭС, аналагічных расійскіх вучэбных цэнтрах.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце паблізу Астраўца (Гродзенская вобласць). Генеральным падрадчыкам выступае інжынірынгавы дывізіён дзяржкарпарацыі "Расатам" (АБЭ). Увод першага энергаблока запланаваны ў 2020 годзе, другога - у 2021-м. Міністэрства энергетыкі Беларусі 6 мая паведаміла аб дастаўцы ядзернага паліва для загрузкі на першым энергаблоку.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход