Падзеі
Беларусь прымае ўдзел у нефармальных міністэрскіх дыялогах краін "Усходняга партнёрства" ў Тбілісі
26 лістапада, Мінск /Таццяна Паляжай - БЕЛТА/. Беларусь прымае ўдзел у шостым раўндзе нефармальных міністэрскіх дыялогаў краін - удзельніц ініцыятывы ЕС "Усходняе партнёрства", якія праходзяць у Тбілісі (Грузія). Аб гэтым паведаміў сёння журналістам начальнік упраўлення інфармацыі - прэс-сакратар МЗС Дзмітрый Мірончык, перадае карэспандэнт БЕЛТА.
Мерапрыемства складаецца з дзвюх частак: агульнай дыскусіі кіраўнікоў МЗС і тэматычнай сустрэчы з удзелам міністраў аховы здароўя краін "Усходняга партнёрства". Беларусь у Тбілісі прадстаўляюць намеснік кіраўніка МЗС Беларусі Алена Купчына і намеснік міністра аховы здароўя Вячаслаў Шыла.
У парадак дня нефармальнай сустрэчы міністраў замежных спраў уключаны актуальныя пытанні стану і перспектыў далейшага развіцця ініцыятывы "Усходняе партнёрства" пасля Рыжскага саміту, у тым ліку ў кантэксце перагляду Еўрапейскай палітыкі суседства.
Дзмітрый Мірончык адзначыў, што прыняцце якіх-небудзь падагульняючых дакументаў або заяў не прадугледжваецца.
версія для друку
зрабіць стартавай
дабавіць у выбранае