Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

18 Jun 2020

Беларусь прапануе адмяніць дазволы на грузаперавозкі на прасторы Новага шаўковага шляху

Беларусь прапануе адмяніць дазволы на грузаперавозкі на прасторы Новага шаўковага шляху
Уладзімір Макей

18 чэрвеня, Мінск /Кар. БЕЛТА/. Беларусь прапануе адмяніць дазволы на міжнародныя аўтамабільныя перавозкі на прасторы Новага шаўковага шляху. Аб гэтым міністр замежных спраў Беларусі Уладзімір Макей заявіў сёння на міжнароднай відэаканферэнцыі ў рамках ініцыятывы "Пояс і шлях", паведамляе карэспандэнт БЕЛТА.

"Мы павінны адмяніць сістэму дазволаў на міжнародныя аўтамабільныя перавозкі. Гэта паслужыць дадатковым стымулам для развіцця транспартна-лагістычнай дзейнасці", - адзначыў Уладзімір Макей.

На думку беларускага боку, краінам таксама неабходна сфарміраваць лічбавыя транспартныя калідоры, асабліва паміж Кітаем і Еўропай.

"Укараненне сучасных спадарожнікавых навігацыйных пломб дае магчымасць пазбегнуць празмерных мытных і іншых працэдур і скараціць тэрміны дастаўкі тавараў на 4-5 дзён", - звярнуў увагу міністр.

Уладзімір Макей лічыць, што інфраструктура краін у рамках ініцыятывы "Пояс і шлях" павінна быць больш узаемазвязанай. "Нам неабходна дадаткова развіваць прыгранічныя станцыі, аўтамабільныя дарогі і чыгункі, масты і мультымадальныя транспартныя вузлы. Узаемазвязаная інфраструктура з'яўляецца ключавым элементам развіцця праз супрацоўніцтва", - дадаў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі