У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

2 Ліс 2017

Беларусь назвалі адной з самых перадавых краін сярод ядзерных навічкоў

2 лістапада, Мінск /Кар. БЕЛТА/. Міжнародныя эксперты назвалі Беларусь адной з самых перадавых краін сярод ядзерных навічкоў. Гэта вынікае з матэрыялу "Атамная энергія - важны інструмент развіцця зялёнай эканомікі", апублікаванага Цэнтрам навін ААН, паведамляе БЕЛТА.

"Будаўніцтва сваёй першай атамнай электрастанцыі некалькі гадоў таму пачала і Беларусь. У мінулым годзе Беларусь наведала Група экспертаў па ядзернай бяспецы. Па выніках праверак міжнародныя эксперты назвалі Беларусь адной з самых перадавых краін сярод ядзерных навічкоў. Мяркуецца, што атамная электрастанцыя ў Беларусі будзе ўведзена ў эксплуатацыю да канца бягучага дзесяцігоддзя", - гаворыцца ў матэрыяле.

Адзначаецца, што апошнія гады расце цікавасць да атамнай энергетыкі. Цяпер па ўсім свеце будуецца 60 новых ядзерных рэактараў. Такія тэндэнцыі на энергетычным рынку часткова абумоўлены імклівым глабальным пацяпленнем і змяншэннем запасаў нафты і газу.

Шляхі развіцця ядзернай энергетыкі абмеркавалі ўдзельнікі канферэнцыі Міжнароднага агенцтва па атамнай энергіі (МАГАТЭ) у Абу-Дабі. Генеральны дырэктар МАГАТЭ Юкія Амана падкрэсліў, што атамная энергія - надзейны інструмент устойлівага развіцця. У трохдзённай канферэнцыі прынялі ўдзел 700 дэлегатаў з 67 краін. Яны адзначылі важную ролю ядзернай энергетыкі для пашырэння "зялёнага" эканамічнага развіцця. Эксперты падкрэслілі, што пры эксплуатацыі аб'ектаў атамнай энергетыкі практычна не вылучаецца парніковых газаў, якія выклікаюць глабальнае пацяпленне. На атамныя электрастанцыі прыпадае 11 працэнтаў выпрацоўваемай цяпер электраэнергіі ў глабальным маштабе. Гэта трэць усёй электраэнергіі, якая атрымліваецца з нізкавугляродных крыніц.

На сёння ў свеце працуе 449 атамных электрастанцый. Усе яны сканцэнтраваны ў 30 краінах. За апошнія два гады ў эксплуатацыю было ўведзена 20 новых рэактараў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс