У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

7 Стд 2016

Беларусь на прынцыпах узаемнасці закрывае сваё пасольства ў Ізраілі

7 студзеня, Мінск /Кар. БЕЛТА/. У сувязі з рашэннем Ізраіля аб закрыцці пасольства ў Мінску Беларусь, кіруючыся прынцыпам узаемнасці, таксама вымушана прыняць комплекс мер па завяршэнні дзейнасці сваёй дыпламатычнай місіі ў Тэль-Авіве. Аб гэтым гаворыцца ў каментарыі начальніка ўпраўлення інфармацыі - прэс-сакратара Міністэрства замежных спраў Рэспублікі Беларусь Дзмітрыя Мірончыка ў сувязі з закрыццём ізраільскага і беларускага пасольстваў у Мінску і Тэль-Авіве, паведамляе БелТА.

"Звычайная дыпламатычная практыка такая, што на закрыццё пасольства адказваюць аналагічна. Са шкадаваннем вымушаны пацвердзіць, што ў сувязі з рашэннем Ізраіля аб закрыцці пасольства ў Мінску Беларусь, кіруючыся прынцыпам узаемнасці, таксама вымушана прыняць комплекс мер па завяршэнні дзейнасці сваёй дыпламатычнай місіі ў Тэль- Авіве", - гаворыцца ў каментарыі.

Прадстаўнік беларускага знешнепалітычнага ведамства перакананы, што ізраільскі бок робіць памылку, ігнаруючы той факт, што краіны звязваюць лёсы дзясяткаў тысяч людзей, для якіх Ізраіль і Беларусь з'яўляюцца блізкімі і роднымі краінамі, а таксама ў цэлым пазітыўную дынаміку двухбаковых адносін у розных сферах.

"Такі крок ужо рабіўся нашымі ізраільскімі партнёрамі ў 2003 годзе, і менш як праз год ім давялося яго выпраўляць", - падкрэсліваецца ў каментарыі.

Дзмітрый Мірончык упэўнены, што падтрыманне адносін паміж Беларуссю і Ізраілем на ўзроўні пасольстваў - аб'ектыўная неабходнасць, а аднаўленне іх дзейнасці - толькі пытанне часу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс