У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

5 Чэр 2020

Беларусь гатова падзяліцца з Венгрыяй вопытам у будаўніцтве АЭС - Лукашэнка

Беларусь гатова падзяліцца з Венгрыяй вопытам у будаўніцтве АЭС - Лукашэнка
Фота з архiва

5 чэрвеня, Мінск /Уладзімір Мацвееў - БЕЛТА/. Беларусь гатова падзяліцца сваім вопытам у будаўніцтве атамнай электрастанцыі. Аб гэтым заявіў Прэзідэнт Беларусі Аляксандр Лукашэнка, падводзячы вынікі перагавораў з прэм'ер-міністрам Венгрыі Віктарам Орбанам, перадае карэспандэнт БЕЛТА.

Цяпер у Венгрыі сумесна з расійскім бокам рэалізуецца праект, аналагічны беларускаму. Размова ідзе аб узвядзенні двух новых энергаблокаў АЭС "Пакш".

"Вы будуеце такую ж атамную станцыю, як мы пабудавалі і заканчваем будаўніцтва ў Астраўцы. Першы блок будзе ўведзены літаральна днямі. Гэта (будаўніцтва новых энергаблокаў. - Заўвага БЕЛТА) вельмі важна для Венгрыі. У нас ёсць каласальны вопыт сумеснага будаўніцтва АЭС з расіянамі. Скажу больш: нашы будаўнікі яе ўзвялі самі пад патранатам і інжынірынгавым кантролем Расіі. Таму ў нас ёсць вопыт. Расіяне вельмі задаволены нашымі будаўнікамі і запрашаюць нас будаваць такія станцыі за мяжой, перш за ўсё ў Егіпце", - сказаў Аляксандр Лукашэнка.

Прэзідэнт прапанаваў, што, калі Венгрыі будзе патрэбна кансультацыя і дапамога ў гэтым пытанні, беларускі бок гатовы яе аказаць. "Думаю, у вас сваіх хапае, прытым класных будаўнікоў. Вы самі справіцеся. А вось па нюансах будаўніцтва такой станцыі, думаю, вы скарыстаецеся нашай дапамогай і падтрымкай", - адзначыў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі