Падзеі

Беларусь гатова ўдзельнічаць у развіцці транспартнай інфраструктуры Азербайджана

Фота з архiва

11 кастрычніка, Мінск /Кар. БЕЛТА/. Удзел Беларусі ў развіцці транспартнай інфраструктуры Азербайджана абмеркавалі на сустрэчы міністр транспарту і камунікацый Аляксей Аўраменка і Надзвычайны і Паўнамоцны Пасол Азербайджана ў нашай краіне Ульві Бахшаліеў, паведамілі БЕЛТА ў прэс-службе Мінтранса.

Разгледжаны ўдзел прадпрыемстваў "Белдзіпрадар" і "Інстытут "Белчыгунпраект" у праводзімых на тэрыторыі Азербайджана праектна-пошукавых работах па аднаўленні транспартнай інфраструктуры. Аляксей Аўраменка адзначыў шырокі спектр двухбаковага супрацоўніцтва ў сферы транспарту, а таксама адсутнасць праблемных пытанняў.

"Сёння паміж нашымі краінамі наладжана цеснае ўзаемадзеянне і са свайго боку мы гатовы ўдзельнічаць у праектаванні аб'ектаў транспартнай інфраструктуры Азербайджана. У гэтай частцы ў нас ёсць адпаведныя магутнасці і спецыялісты, а галоўнае - высокі патэнцыял, асабліва ў частцы чыгункі", - сказаў міністр.

Ульві Бахшаліеў таксама падкрэсліў стратэгічны ўзровень адносін паміж краінамі, іх дружалюбны і партнёрскі характар. "У краіне вялікая колькасць перспектыўных праектаў, якія неабходна рэалізаваць. Мы акажам любое неабходнае садзейнічанне ў каардынаванні сумесных дзеянняў", - адзначыў пасол.

Ён таксама запрасіў беларускую дэлегацыю ў Азербайджан для дэталёвага вывучэння аб'ектаў, якім неабходна аднаўленне.  "На заканчэнне бакі дамовіліся аб прадаўжэнні сумеснай работы па напрамках, абазначаных на сустрэчы", - расказалі ў Мінтрансе.

версія для друку

зрабіць стартавай

дабавіць у выбранае