Падзеі

Гэта тэма разглядалася 8 сакавіка на сустрэчы часовага паверанага ў справах Рэспублікі Беларусь у Злучаных Штатах Амерыкі Паўла Шыдлоўскага з мэрам горада Ранча Кордава штата Каліфорнія Дэвідам Сандэрам. Перагаворы прайшлі ў мэтах развіцця дамоўленасцей, дасягнутых у час візіту ў штат Каліфорнія старшыні Гродзенскага гарвыканкама Мечыслава Гоя, калі было падпісана пагадненне аб устанаўленні адносін дружбы і партнёрства паміж Гродна і Ранча Кордава.

Бакі абмеркавалі перспектыўныя напрамкі ўзаемадзеяння двух гарадоў з акцэнтам на гандлёва-эканамічным і інвестыцыйным супрацоўніцтве. У ходзе сустрэчы Дэвіду Сандэру перададзена запрашэнне наведаць XI Рэспубліканскі фестываль нацыянальных культур, які пройдзе ў Гродне 3-4 чэрвеня 2016 года.