Падзеі
Беларусь і Ізраіль прапрацоўваюць магчымасці нарошчвання турыстычных патокаў
26 лютага, Мінск /Кар. БЕЛТА/. Беларусь і Ізраіль прапрацоўваюць магчымасці нарошчвання ўзаемных турыстычных патокаў. Аб гэтым ішла размова ў час рабочай сустрэчы Надзвычайнага і Паўнамоцнага Пасла Беларусі ў Ізраілі Уладзіміра Скварцова з генеральным дырэктарам Гандлёвай палаты "Ізраіль-Беларусь" Гедалія Калтанюком, паведамілі БЕЛТА ў прэс-службе Міністэрства замежных спраў Беларусі.
Як адзначылі ў прэс-службе, з улікам пачатку дзеяння бязвізавага рэжыму паміж абедзвюма краінамі асаблівая ўвага ў гутарцы ўдзелена пытанням нарошчвання ўзаемных турыстычных патокаў. Дасягнута дамоўленасць аб прапрацоўцы магчымасці арганізацыі прэс-тура ў Беларусь прадстаўнікоў ізраільскіх тураператараў і СМІ ў мэтах азнаямлення з патэнцыялам у турыстычнай сферы.
У час сустрэчы абмеркаваны таксама алгарытм сумеснай работы на бліжэйшыя месяцы па пашырэнні беларускага экспарту і прыцягненні ізраільскіх інвестыцый у беларускую эканоміку.
версія для друку
зрабіць стартавай
дабавіць у выбранае