Падзеі

"Маштабныя мерапрыемствы пройдуць да 25-годдзя ўстанаўлення дыпламатычных адносін паміж Беларуссю і Ізраілем, пасольствы і ўрады працуюць ужо ў гэтым напрамку. У тым ліку ў Беларусі пройдуць Дні культуры Ізраіля, а ў Ізраілі - Дні культуры Беларусі", - адзначыў Міхаіл Русы.

Краіны актыўна працуюць над павелічэннем узаемных турыстычных патокаў. У 2016 годзе акрамя авіякампаніі "Белавія" рэйсы паміж Мінскам і Тэль-Авівам пачаў выконваць ізраільскі перавозчык "Аркіа". Тым не менш, гэта не перашкодзіла "Белавія" павялічыць у мінулым годзе аб'ём перавозкі пасажыраў амаль на 20 працэнтаў у параўнанні з 2015 годам, канстатаваў Міхаіл Русы.

Як расказала міністр аліі і абсорбцыі Ізраіля Софа Ландвер, па выніках пасяджэння беларуска-ізраільскага камітэта па гандлёвым і эканамічным супрацоўніцтве падпісаны пратакол, які бакі лічаць дарожнай картай, што вызначае прыярытэты работы на бягучы год. "Гэта гандаль, сельская гаспадарка, культура, навука, турызм. Мы бачым, што шмат што зроблена, але нас чакае вялікі шлях, нам ёсць да чаго імкнуцца", - растлумачыла яна.

"Перспектывы супрацоўніцтва ў нас вельмі добрыя. Ва ўрадаў Ізраіля і Беларусі ёсць інтарэс адзін да аднаго, што пацвярджае падпісаны сёння дакумент", - рэзюмаваў Міхаіл Русы.