У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

26 Кст 2018

Беларусь і Украіна падпісалі пагадненне аб рэадмісіі

Беларусь і Украіна падпісалі пагадненне аб рэадмісіі

26 кастрычніка, Гомель /Міхаіл Маціеўскі - БЕЛТА/. Беларусь і Украіна заключылі пагадненне аб рэадмісіі. Цырымонія падпісання дакумента адбылася на I Форуме рэгіёнаў Беларусі і Украіны, перадае карэспандэнт БЕЛТА.

Подпісы пад пагадненнем паставілі міністр унутраных спраў Беларусі Ігар Шуневіч і кіраўнік Дзяржаўнай міграцыйнай службы Украіны Максім Сакалюк.

У час форуму таксама былі заключаны двухбаковыя пагадненні аб супрацоўніцтве ў сферы фізічнай культуры і спорту, план кансультацый паміж міністэрствамі замежных спраў.

Падпісанне дакументаў было прымеркавана да рабочага візіту Прэзідэнта Украіны Пятра Парашэнкі ў Беларусь.

Акрамя таго, у Гомелі сёння былі падпісаны дагаворы і пагадненні аб супрацоўніцтве паміж абласцямі дзвюх краін. Так, Брэсцкі аблвыканкам заключыў дагавор аб міжрэгіянальным супрацоўніцтве з Ровенскай абласной дзяржаўнай адміністрацыяй і пагадненне аб гандлёва-эканамічным, навукова-тэхнічным і культурным супрацоўніцтве з Запарожскай абласной дзяржаўнай адміністрацыяй. Таксама з Запарожскай вобласцю будзе супрацоўнічаць і Магілёўскі аблвыканкам.

Два дакументы з украінскімі рэгіёнамі падпісаў Мінскі аблвыканкам: пагадненне з Запарожскай аблдзяржадміністрацыяй і мемарандум з Кіеўскай аблдзяржадміністрацыяй. Кіраўнікі Гомеля і Дняпра паставілі подпісы пад пагадненнем аб дружбе і супрацоўніцтве.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс