У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

5 Ліс 2018

Беларусь і Турцыя маюць намер развіваць супрацоўніцтва ў галіне палярных даследаванняў

Беларусь і Турцыя маюць намер развіваць супрацоўніцтва ў галіне палярных даследаванняў
Фота пасольства Беларусі ў Турцыі

5 лістапада, Мінск /Кар. БЕЛТА/. Вучоныя Беларусі і Турцыі маюць намер развіваць супрацоўніцтва ў галіне палярных даследаванняў. Гэта пытанне абмяркоўвалася 5 лістапада ў Анкары ў час першага пасяджэння сумеснай беларуска-турэцкай камісіі па супрацоўніцтве ў галіне навукі і тэхналогій, паведамілі БЕЛТА ў пасольстве Беларусі ў Турцыі.

У пасяджэнні ў тым ліку прыняў удзел намеснік начальніка Рэспубліканскага цэнтра палярных даследаванняў НАН Беларусі - начальнік Беларускай антарктычнай экспедыцыі Аляксей Гайдашоў. Плануецца, што 8 лістапада са Стамбула ў Антарктыду накіруецца Беларуская палярная экспедыцыя. "Беларускі бок прапануе ў 2019 годзе прыняць на беларускай станцыі 2-3 члены турэцкага цэнтра палярных даследаванняў", - адзначылі ў пасольстве.

Таксама бакі падпісалі пратакол, які вызначыць прыярытэтныя напрамкі навукова-тэхнічнага супрацоўніцтва. Аб'яўлены конкурс сумесных інавацыйных навукова-тэхнічных праектаў і вызначана працэдура зацвярджэння пераліку такіх праектаў на 2019-2021 гады.

Як адзначылі ў дыпмісіі, першае пасяджэнне сумеснай беларуска-турэцкай камісіі па супрацоўніцтве ў галіне навукі і тэхналогій паміж Дзяржаўным камітэтам па навуцы і тэхналогіях Беларусі і Міністэрствам прамысловасці і развіцця Турцыі праходзіць 5-6 лістапада. У склад дэлегацыі Беларусі ўвайшлі прадстаўнікі Нацыянальнай акадэміі навук, Беларускага інавацыйнага фонду і тэхнапаркаў, яе ўзначаліў намеснік старшыні ДКНТ Сяргей Шчарбакоў.

На 6 лістапада ў праграме візіту значыцца наведванне вядучых тэхнапаркаў Анкары.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс