Падзеі

Беларусь і Турцыя дамовіліся развіваць міжпартыйныя кантакты

Фотa turkey.mfa.gov.by

11 студзеня, Мінск /Кар. БЕЛТА/. Надзвычайны і Паўнамоцны Пасол Беларусі ў Турцыі Анатоль Глаз сустрэўся са старшынёй адной з найстарэйшых турэцкіх партый "Ватан" (Радзіма) Догу Перынчэкам. Аб гэтым карэспандэнту БЕЛТА паведамілі ў беларускай загранустанове ў Анкары.

У час сустрэчы адбыўся абмен думкамі па актуальных пытаннях рэгіянальнага і міжнароднага парадку дня, уключаючы працэсы ў Еўразіі, Блізкім Усходзе і ва Усходнім Міжземнамор'і. Таксама былі закрануты асобныя аспекты развіцця сітуацыі ў сферы рэгіянальнай бяспекі.

Субяседнікі абмеркавалі тэматыку беларуска-турэцкага ўзаемадзеяння ў кантэксце сучасных геапалітычных рэалій, адзначылі значнасць палітычнага дыялогу і экспертных кантактаў для фарміравання аб'ектыўных падыходаў да міжнародных пытанняў, выступілі за паглыбленне супрацоўніцтва паміж дзвюма краінамі.

Догу Перынчэк высока ацаніў узважаную і міралюбную палітыку Беларусі, асобна падкрэсліў ролю Прэзідэнта Аляксандра Лукашэнкі ў забеспячэнні рэгіянальнай стабільнасці і пазітыўна адзначыў яго ўстойлівы курс на развіццё сваёй краіны. Была пацверджана зацікаўленасць у далейшым развіцці палітычных і міжпартыйных кантактаў паміж Беларуссю і Турцыяй.

Партыя "Ватан" (Радзіма) бярэ свой пачатак з "Партыі рабочых Турцыі" і шэрага папярэдніх палітычных структур, якія выйшлі з турэцкага нацыянальна-вызваленчага руху 1918-1923 гадоў. Сёння налічвае некалькі дзясяткаў тысяч членаў, пярвічныя арганізацыі дзейнічаюць ва ўсіх рэгіёнах Турцыі.

версія для друку

зрабіць стартавай

дабавіць у выбранае