Падзеі

Беларусь і Італія абмеркавалі стан і перспектывы двухбаковых адносін

30 ліпеня, Мінск /Кар. БЕЛТА/. Стан і перспектывы адносін Беларусі і Італіі абмеркавалі на сустрэчы 30 ліпеня міністр замежных спраў Максім Рыжанкоў і часовы павераны ў справах Італіі ў нашай краіне Тамаза П'етра Маркеджані з прычыны заканчэння яго дыпламатычнай місіі. Аб гэтым паведамляе БЕЛТА са спасылкай на беларускае замежнапалітычнае ведамства.

Субяседнікі абмеркавалі стан і перспектывы беларуска-італьянскіх адносін, абмяняліся думкамі аб сітуацыі ў рэгіёне і па іншых актуальных тэмах міжнароднага парадку дня.

Міністр падзякаваў паслу за актыўную работу ў Беларусі, рэалізацыю шэрага праектаў, у тым ліку гуманітарных, а таксама абазначыў чаканне больш актыўнай пазіцыі еўрапейскіх краін, у прыватнасці Італіі, у пытаннях узаемадзеяння з Беларуссю.

версія для друку

зрабіць стартавай

дабавіць у выбранае