Падзеі

Беларусь і Судан намецілі крокі па інтэнсіфікацыі сувязей у АПК і прамысловасці

Фота з архiва

3 лютага, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Арабскай Рэспубліцы Егіпет і Рэспубліцы Судан па сумяшчальніцтве Сяргей Цярэнцьеў сустрэўся з міністрам фінансаў і эканамічнага планавання Судана Джыбрылем Ібрагімам Мухамедам і генеральным дырэктарам Арабскай арганізацыі сельскагаспадарчага развіцця пры Лізе арабскіх дзяржаў Ібрагімам аль-Духейры. Аб гэтым карэспандэнту БЕЛТА расказалі ў беларускім знешнепалітычным ведамстве.

Бакі абмеркавалі актуальны стан беларуска-суданскіх адносін, акцэнтаваўшы ўвагу на гандлёва-эканамічным і фінансавым напрамках.

Былі намечаны крокі па інтэнсіфікацыі супрацоўніцтва Беларусі і Судана ў перспектыўных сферах сельскай гаспадаркі і харчовай бяспекі, прамысловасці, водных рэсурсаў, а таксама па актывізацыі кантактаў па лініі профільных ведамстваў.

версія для друку

зрабіць стартавай

дабавіць у выбранае