Падзеі

Беларусь і Сірыя пацвердзілі высокі патэнцыял супрацоўніцтва і неабходнасць яго рэалізацыі

Фота з архiва

2 лістапада, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Сірыйскай Арабскай Рэспубліцы Юрый Слука сустрэўся з міністрам сацыяльных пытанняў і працы Сірыі Сальвай Абдалой. Аб гэтым карэспандэнту БЕЛТА паведамілі ў прэс-службе беларускага МЗС.

У ходзе сустрэчы бакі адзначылі высокі патэнцыял беларуска-сірыйскіх адносін і неабходнасць актывізацыі двухбаковага супрацоўніцтва па лініі профільных міністэрстваў. Асобная ўвага была ўдзелена праекту па арганізацыі адпачынку і аздараўлення сірыйскіх дзяцей у Беларусі.

Юрый Слука пацвердзіў зацікаўленасць беларускага боку ў развіцці і ўмацаванні ўзаемадзеяння з Сірыяй, у тым ліку ў фармаце абмену візітамі пасля нармалізацыі сітуацыі, звязанай з распаўсюджваннем каранавіруснай інфекцыі, і адзначыў гатоўнасць Беларусі прадоўжыць рэалізацыю сумесных праектаў у гуманітарнай сферы.

версія для друку

зрабіць стартавай

дабавіць у выбранае