У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

5 Чэр 2020

Беларусь і Славакія зацікаўлены ў развіцці супрацоўніцтва

Беларусь і Славакія зацікаўлены ў развіцці супрацоўніцтва
Фота з архiва

5 чэрвеня, Мінск /Кар. БЕЛТА/. Беларусь і Славакія зацікаўлены ў развіцці супрацоўніцтва. Аб гэтым ішла размова на сустрэчы пасла Беларусі ў Славакіі Ігара Ляшчэні са старшынёй камітэта па міжнародных справах Нацыянальнага савета Славакіі Юраем Бланарам, паведамілі БЕЛТА ў прэс-службе Міністэрства замежных спраў Беларусі.

На сустрэчы адбыўся абмен думкамі аб стане і перспектывах развіцця беларуска-славацкіх адносін. Субяседнікі адзначылі дасягнутыя вынікі двухбаковага супрацоўніцтва, сярод якіх актыўны дыялог на ўзроўні ўрадаў і галіновых міністэрстваў, абмен візітамі бізнес-дэлегацый, узаемадзеянне паміж рэгіёнамі і грамадскімі арганізацыямі, работа над сумеснымі праектамі ў галіне гандлёва-эканамічнага і навукова-тэхнічнага супрацоўніцтва.

Важны складнік гэтага працэсу - развіццё міжпарламенцкіх сувязей. Так, у мінулым годзе Беларусь упершыню з афіцыйным візітам наведаў старшыня Нацыянальнага савета Славакіі, са сваімі калегамі ў Мінску двойчы сустракаліся славацкія дэлегацыі парламенцкай групы дружбы з Беларуссю. Адзначана неабходнасць не толькі захаваць, але і развіць дасягнутыя вынікі.

У прыватнасці, у гэтым кантэксце Ігар Ляшчэня праінфармаваў аб стварэнні ў Нацыянальным сходзе Беларусі рабочай групы па супрацоўніцтве з парламентам Славакіі.

З улікам 75-й гадавіны Перамогі над фашызмам, якая адзначаецца ў гэтым годзе, бакі асобна спыніліся на тэме захавання памяці аб трагедыі Другой сусветнай вайны, подзвігу савецкіх воінаў-вызваліцеляў. Субяседнікі выказалі адзіную думку аб тым, што памяць аб Перамозе над фашызмам - гэта тое, што павінна не раз'ядноўваць, а аб'ядноўваць як беларусаў і славакаў у прыватнасці, так і ўсе народы Еўропы ў цэлым.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі