Падзеі

Беларусь і Сербія на кансультацыях паміж міністэрствамі замежных спраў асаблівую ўвагу ўдзялілі эканамічнаму ўзаемадзеянню

Фота МЗС

25 чэрвеня, Мінск /Кар. БЕЛТА/. Тэме эканамічнага ўзаемадзеяння была ўдзелена вялікая ўвага ў час чарговага раўнда кансультацый паміж міністэрствамі замежных спраў Беларусі і Сербіі ў Мінску, паведамляе БЕЛТА са спасылкай на прэс-службу беларускага знешнепалітычнага ведамства.

Беларускую дэлегацыю на кансультацыях узначаліў намеснік міністра замежных спраў Ігар Сякрэта, сербскую - дзяржаўны сакратар МЗС Дам'ян Ёвіч.

У ходзе змястоўных і канструктыўных перагавораў удзельнікі кансультацый прадметна абмеркавалі ўвесь спектр пытанняў двухбаковага парадку дня, удзяліўшы асаблівую ўвагу эканамічнаму ўзаемадзеянню.

Абмяняліся меркаваннямі наконт асноўных глабальных і рэгіянальных праблем і пацвердзілі блізкасць падыходаў Беларусі і Сербіі па большасці з іх. Дамовіліся таксама падтрымліваць інтэнсіўны дыялог на ўсіх узроўнях.

У той жа дзень Дам'ян Ёвіч сустрэўся з міністрам замежных спраў Беларусі Максімам Рыжанковым. Бакі пацвердзілі ўзаемную зацікаўленасць у далейшым пашырэнні беларуска-сербскага супрацоўніцтва.

версія для друку

зрабіць стартавай

дабавіць у выбранае