У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

26 Снж 2018

Беларусь і Расія створаць рабочую групу па вырашэнні пытанняў двухбаковага парадку дня

Беларусь і Расія створаць рабочую групу па вырашэнні пытанняў двухбаковага парадку дня

26 снежня, Масква /Уладзімір Мацвееў - БЕЛТА/. Беларусь і Расія створаць міжурадавую рабочую групу па выпрацоўцы прапаноў па інтэграцыі і вырашэнні пытанняў беларуска-расійскага парадку дня. Аб гэтым заявіў журналістам 25 снежня першы віцэ-прэм'ер, міністр фінансаў Расіі Антон Сілуанаў, перадае карэспандэнт БЕЛТА.

"Толькі што прайшла сустрэча кіраўнікоў дзяржаў Расіі і Беларусі і, адпаведна, членаў урада, якія ўдзельнічалі ў гэтай сустрэчы. Закранаўся парадак дня двухбаковых адносін. У першую чаргу мы абмяркоўвалі змяненні, якія ў наступным годзе будуць адбывацца ў падатковым заканадаўстве Расійскай Федэрацыі, і нашы планы па змяненнях у галіне падаткаабкладання ў нафтагазавым сектары. Абмяркоўваліся пытанні і нашых сумесных дзеянняў у галіне цэнаўтварэння на газ, энергарэсурсы. Дамовіліся таксама аб збліжэнні пазіцый па ўсіх гэтых напрамках", - заявіў першы віцэ-прэм'ер Расіі.

Паводле яго слоў, у гэтых мэтах была дасягнута дамоўленасць аб стварэнні рабочай групы, якая будзе складацца з прадстаўнікоў урадаў. "Гэта рабочая група будзе рыхтаваць прапановы па нашай далейшай інтэграцыі і вырашэнні тых надзённых пытанняў, якія непакояць урады нашых краін", - сказаў Антон Сілуанаў.

Адказваючы на ўдакладняючае пытанне, ён заявіў, што ў частцы цэнаўтварэння на газ бакі павінны вызначыцца за наступны перыяд пачынаючы з 2020 года, выпрацаваць прапановы па фарміраванні цэн на гэты від энерганосьбітаў. "Што датычыцца рабочай групы, то яна будзе выпрацоўваць прапановы як па далейшай інтэграцыі, так і па вырашэнні пытанняў, якія знаходзяцца ў парадку дня паміж Расіяй і Беларуссю", - удакладніў Антон Сілуанаў.

Як раней паведамлялася БЕЛТА са спасылкай на міністра энергетыкі Беларусі Віктара Каранкевіча, Беларусь і Расія прадаўжаюць перагаворы аб цане на газ пасля 2019 года і да фарміравання агульнага рынку газу ў ЕАЭС з 1 студзеня 2025 года. Беларусь ужо накіравала Расіі прапановы па цэнах на газ з 2020 года. "Па 2020 годзе адпаведныя перагаворы вядуцца, прадугледжана да 1 ліпеня падрыхтаваць прапановы па ўнясенні змяненняў у цэнавы пратакол. Пытанне яшчэ адкрыта, прапановы беларускім бокам (у РФ. - Заўвага БЕЛТА) накіраваны, яны знаходзяцца ў стадыі абмеркавання. У нас яшчэ ёсць паўгода, каб выпрацаваць узгодненае рашэнне, гэта будзе датычыцца пытання фарміравання цаны на 2020-2024 гады - на пераходны перыяд да стварэння агульнага рынку газу ў ЕАЭС, які павінен пачаць працаваць з 1 студзеня 2025 года", - адзначаў міністр.

Цана расійскага газу для Беларусі на 2019 год вызначана ў памеры $127 за 1 тыс. куб.м.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс