Падзеі

Беларусь і Расія на пляцоўцы Савета ААН па правах чалавека ў Жэневе прадставілі даклад на гэту тэму

Фота з архiва

28 чэрвеня, Мінск /Кар. БЕЛТА/. У рамках 59-й сесіі Савета ААН па правах чалавека ў Палацы Нацый у Жэневе адбылася панэльная дыскусія "Універсальнасць і непадзельнасць правоў чалавека для ўсіх: практыка дзяржаў", арганізаваная беларускім і расійскім пастаяннымі прадстаўніцтвамі пры Аддзяленні ААН і іншых міжнародных арганізацыях у Жэневе, паведамляе карэспандэнт БЕЛТА.

На мерапрыемстве прадстаўлены другі сумесны даклад міністэрстваў замежных спраў Беларусі і Расіі аб практыцы выканання правоў чалавека ў асобных замежных дзяржавах. Дакладчыкамі выступілі начальнік галоўнага ўпраўлення шматбаковай дыпламатыі МЗС Беларусі Ірына Вялічка і дырэктар Дэпартамента па гуманітарным супрацоўніцтве і правах чалавека МЗС Расіі Рыгор Лук'янцаў.

Мадэраваў дыскусію вядомы швейцарскі журналіст, пісьменнік і грамадска-палітычны дзеяч Гі Метан. У мерапрыемстве прынялі ўдзел таксама некалькі дзясяткаў прадстаўнікоў дыпламатычных місій і няўрадавых арганізацый.

Даклад нацэлены на прыцягненне ўвагі да сітуацыі з правамі чалавека ў краінах так званай развітой дэмакратыі і заснаваны на інфармацыі міжнародных арганізацый, незалежных міжнародных экспертаў, уключаючы спецпрацэдуры СПЧ ААН, нацыянальных омбудсменаў і міжнародных праваабаронцаў, а таксама паведамленнях сродкаў масавай інфармацыі.

Удзельнікі адзначылі тэндэнцыю да пагаршэння сітуацыі ў сферы правоў чалавека ў шэрагу заходніх краін, уключаючы сістэмны расізм, расавую дыскрымінацыю, ксенафобію, парушэнні правоў мігрантаў, заглушэнне СМІ і грамадскіх дзеячаў, нязгодных з палітыкай заходніх урадаў. Пры гэтым двайныя стандарты, якія сталі нормай, і ўмяшанне ва ўнутраныя справы суверэнных краін пад маркай нібыта абароны правоў чалавека прадаўжаюць быць неад'емнай часткай знешняй палітыкі так званых чэмпіёнаў у праваахоўнай сферы. Такія дзеянні падрываюць асноўныя прынцыпы міжнароднага права, разбураюць сістэму супрацоўніцтва ў галіне правоў чалавека.

У дакладзе на канкрэтных прыкладах праілюстраваны намаганні краін калектыўнага Захаду і іх саюзнікаў па перапісванні гісторыі Другой сусветнай вайны і рэвізіі яе вынікаў, абялення ваенных злачынцаў і іх памагатых.

Асаблівы акцэнт у выступленні Ірыны Вялічка быў зроблены на сітуацыі на граніцах Беларусі з краінамі ЕС, адзначаны злачынныя дзеянні еўрапейскіх краін у адносінах да мігрантаў і асоб, якія шукаюць прыстанішча, што прыводзяць да шматлікіх ахвяр. У гэтым кантэксце была падкрэслена безальтэрнатыўнасць непалітызаванага супрацоўніцтва для сумеснага рэагавання на міграцыйныя і іншыя транснацыянальныя выклікі.

Праведзеная дыскусія стала яшчэ адным важным элементам у кантэксце агульных намаганняў Беларусі, Расіі і краін-аднадумцаў па процідзеянні селектыўнаму падыходу і двайным стандартам, аднаўленні справядлівага і раўнапраўнага супрацоўніцтва ў галіне правоў чалавека.

версія для друку

зрабіць стартавай

дабавіць у выбранае