Падзеі

Беларусь і Іран зацікаўлены ў пашырэнні супрацоўніцтва ў навукова-тэхнічнай сферы

Фота gknt.gov.by

4 лістапада, Мінск /Кар. БЕЛТА/. Беларусь і Іран зацікаўлены ў пашырэнні супрацоўніцтва ў навукова-тэхнічнай сферы. Аб гэтым БЕЛТА паведамілі ў прэс-службе Дзяржаўнага камітэта па навуцы і тэхналогіях.

Старшыня ДКНТ Сяргей Шлычкоў правёў рабочую сустрэчу з Надзвычайным і Паўнамоцным Паслом Ісламскай Рэспублікі Іран у Беларусі Саідам Яры.

Бакі выказалі зацікаўленасць у пашырэнні супрацоўніцтва Беларусі і Ірана ў навукова-тэхнічнай сферы, а таксама намецілі канкрэтныя крокі па ўмацаванні ўзаемадзеяння паміж краінамі. У прыватнасці, абмеркаваны пытанні па падрыхтоўцы і правядзенні ў бліжэйшы час восьмага пасяджэння беларуска-іранскай камісіі па навуцы і тэхналогіях, арганізацыі сумесных мерапрыемстваў па абмене вопытам, пашырэнні кантактаў навуковых і дзелавых колаў.

"Беларусь і Іран маюць даволі шмат агульных інтарэсаў і добрыя перспектывы для развіцця ўзаемавыгаднага супрацоўніцтва. Сумеснымі намаганнямі мы здольныя максімальна рэалізаваць патэнцыял дзвюх дзяржаў", - падкрэсліў на сустрэчы старшыня ДКНТ.

версія для друку

зрабіць стартавай

дабавіць у выбранае