У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

28 Стд 2020

Беларусь і Польшча абмеркавалі перспектывы міжпарламенцкага супрацоўніцтва

Беларусь і Польшча абмеркавалі перспектывы міжпарламенцкага супрацоўніцтва
Рышард Тарлецкі і Анатоль Ісачанка. Фота Савета Рэспублікі

28 студзеня, Мінск /Кар. БЕЛТА/. Перспектывы міжпарламенцкага ўзаемадзеяння сталі прадметам абмеркавання на сустрэчах намесніка старшыні Савета Рэспублікі Анатоля Ісачанкі ў парламенце Польшчы 28 студзеня, паведамілі БЕЛТА ў прэс-службе Савета Рэспублікі.

Адбыліся сустрэчы Анатоля Ісачанкі з віцэ-маршалкам Сената Польшчы Габрыэлай Мараўска-Станецкай і віцэ-маршалкам Сейма Польшчы Рышардам Тарлецкім. Разгледжаны магчымасці актывізацыі дыялогу дзвюх краін у розных сферах. Асаблівая ўвага ўдзелена дзейнасці беларуска-польскай міжпарламенцкай групы.

Анатоль Ісачанка і Габрыэла Мараўска-Станецкая. Фота Савета Рэспублікі

Як паведамлялася, беларуская дэлегацыя на чале з Анатолем Ісачанкам прыбыла ў Польшчу для ўдзелу ў памятных мерапрыемствах да 75-годдзя вызвалення лагера смерці Аўшвіц-Біркенау, якія прайшлі 27 студзеня. Ля манумента вязням лагера смерці ў Асвенціме адбылася цырымонія запальвання свечак. На мерапрыемстве прысутнічалі дэлегацыі з 60 краін і міжнародных арганізацый. У якасці ганаровых гасцей сюды прыехалі амаль 200 былых вязняў Аўшвіц-Біркенау з усяго свету, у тым ліку 13 з Беларусі.

Анатоль Ісачанка прыняў удзел у цырымоніі перадачы капсулы з зямлёй з Асвенціма кіраўніком горада Янушам Хверутам настаяцелю храма-помніка Усіх Святых протаіерэю Фёдару Поўнаму. Капсула будзе размешчана ў крыпце храма ў час міжнароднай акцыі памяці "На славу агульнай Перамогі". Акрамя таго, прайшлі перагаворы беларускай дэлегацыі з адміністрацыяй музея "Аўшвіц-Біркенау" па пытаннях супрацоўніцтва з мемарыяльным комплексам "Трасцянец" і іншымі музейнымі ўстановамі Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс