Падзеі

Беларусь і ПАР выступаюць за вывад двухбаковага ўзаемадзеяння на новы ўзровень

Фота МЗС

6 сакавіка, Мінск /Кар. БЕЛТА/. Міністр замежных спраў Беларусі Сяргей Алейнік сустрэўся з Надзвычайным і Паўнамоцным Паслом Паўднёва-Афрыканскай Рэспублікі ў Расіі і Беларусі Мзувукіле Джэфам Макетукам, паведамілі БЕЛТА ў прэс-службе МЗС.

Бакі прадметна абмеркавалі актуальныя пытанні агульнага парадку дня. У прыватнасці, асаблівая ўвага была ўдзелена нарошчванню гандлёва-эканамічнага супрацоўніцтва з акцэнтам на сельскую гаспадарку і забеспячэнне харчовай бяспекі. Таксама абазначылі арыенцір на актывізацыю прамысловай кааперацыі паміж Беларуссю і ПАР.

Субяседнікі высока ацанілі паступальнае развіццё супрацоўніцтва паміж дзвюма краінамі на працягу 30 гадоў - з моманту ўстанаўлення дыпламатычных адносін 4 сакавіка 1993 года. Яны падкрэслілі важнасць вываду ўзаемадзеяння на новы ўзровень.

версія для друку

зрабіць стартавай

дабавіць у выбранае