Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

18 Apr 2018

Беларусь і Пакістан абмяркоўваюць стварэнне сумесных прадпрыемстваў у АПК

18 красавіка, Мінск /Уладзімір Мацвееў - БЕЛТА/. Узаемадзеянне паміж Беларуссю і Пакістанам у сельскагаспадарчай сферы абмяркоўвалася 18 красавіка на сустрэчы пасла Беларусі ў Пакістане Андрэя Ермаловіча з федэральным міністрам нацыянальнай харчовай бяспекі і даследаванняў Пакістана Сікандарам Хаятам Ханам Басанам. Аб гэтым БЕЛТА паведамілі ў беларускім дыппрадстаўніцтве.

"Бакі разгледзелі пытанні актывізацыі двухбаковага супрацоўніцтва ў галіне сельскай гаспадаркі, у тым ліку шляхам стварэння сумесных прадпрыемстваў па вытворчасці і перапрацоўцы мяса-малочнай і расліннай прадукцыі", - расказалі ў пасольстве.

Пасол перадаў федэральнаму міністру запрашэнне наведаць Мінск для ўдзелу ў штогадовай міжнароднай выстаўцы "Белагра-2018", якая адбудзецца 5-9 чэрвеня 2018 года.

У час візіту пакістанскай дэлегацыі плануецца правесці таксама другі беларуска-пакістанскі сельскагаспадарчы форум (першы прайшоў у Ісламабадзе ў красавіку 2017 года) і пятае пасяджэнне сумеснай беларуска-пакістанскай рабочай групы па сельскай гаспадарцы. Разгледжана магчымасць падпісання на палях гэтых мерапрыемстваў у Мінску дарожнай карты двухбаковага супрацоўніцтва Беларусі і Пакістана ў сферы сельскай гаспадаркі і харчавання, праект якой праходзіць заключную стадыю ўзгаднення.

Абмеркаваны пытанні паставак у Пакістан беларускай сельскагаспадарчай тэхнікі, перш за ўсё трактароў і камбайнаў. На наступным тыдні ў Пакістане (правінцыя Хайбер-Пахтунхва) пройдуць палявыя выпрабаванні і дэманстрацыя магчымасцей камбайнаў вытворчасці ААТ "Гомельмаш" з удзелам спецыялістаў прадпрыемства. Па выніках выпрабаванняў пакістанскім бокам будзе прынята рашэнне аб закупцы першай партыі беларускіх камбайнаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі