Падзеі

Беларусь і Індыя заявілі аб намеры пашыраць узаемадзеянне па ўсіх пытаннях парадку дня

Фота пасольства Беларусі ў Індыі

9 ліпеня, Мінск /Кар. БЕЛТА/. Стан і перспектывы беларуска-індыйскіх адносін у розных сферах абмеркаваны ў час сустрэчы пасла Беларусі ў Індыі Андрэя Ржавускага з намеснікам міністра замежных спраў Індыі Рэнатай Сандху. Аб гэтым БЕЛТА паведамілі ў беларускай дыпмісіі ў Індыі.

Дыпламаты абмеркавалі стан і перспектывы беларуска-індыйскіх адносін у палітычнай, гандлёвай і навукова-тэхнічнай сферах, магчымасць правядзення ў бягучым годзе беларуска-індыйскіх кантактаў на розных узроўнях, іншыя актуальныя напрамкі ўзаемадзеяння.

"Асобна было разгледжана ўзаемадзеянне ў міжнародных арганізацыях, а таксама аказанне ўзаемнай падтрымкі на выбарах у органы і ўстановы міжнародных арганізацый", - дадалі ў пасольстве.

Бакі выказалі ўзаемнае задавальненне дружалюбным і канструктыўным характарам двухбаковага супрацоўніцтва, прыхільнасць да далейшага пашырэння ўзаемадзеяння па ўсіх пытаннях двухбаковага парадку дня.

версія для друку

зрабіць стартавай

дабавіць у выбранае