Падзеі

Беларусь і М'янма маюць намер умацаваць двухбаковае ваеннае супрацоўніцтва

Фота Мінабароны

28 сакавіка, Мінск /Кар. БЕЛТА/. У час візіту ў М'янму міністр абароны Беларусі генерал-лейтэнанта Віктар Хрэнін правёў перагаворы з віцэ-прэм'ер-міністрам, міністрам абароны Рэспублікі Саюз М'янма генералам Маунг Маунг Гэй. Аб гэтым БЕЛТА паведамілі ў Міністэрстве абароны.

Бакі пацвердзілі ўзаемную зацікаўленасць у актывізацыі і паглыбленні ўзаемадзеяння па напрамках узаемнай цікавасці.

Віктар Хрэнін падзякаваў калегу за гасціннасць, адзначыўшы, што Рэспубліка Беларусь удзяляе асаблівую ўвагу развіццю шматпланавага супрацоўніцтва з дзяржавамі Паўднёва-Усходняй Азіі ў цэлым і з М'янмай у прыватнасці.

"Наша двухбаковае ўзаемадзеянне мае вялікі патэнцыял. Упэўнены, што пры падтрымцы дружалюбных дзяржаў, у тым ліку Рэспублікі Беларусь, вашай краіне ўдасца прадоўжыць шлях устойлівага развіцця і працвітання. Мы, людзі ў пагонах, як ніхто разумеем важнасць захавання міру ў нашых краінах і прымаем усе меры для падтрымання Узброеных Сіл у гатоўнасці адстойваць тэрытарыяльную цэласнасць і незалежнасць, - сказаў Віктар Хрэнін. - Перакананы ва ўзаемнай зацікаўленасці прадоўжыць рэалізацыю існуючых і прапрацаваць заключэнне новых двухбаковых міждзяржаўных пагадненняў у ходзе сумеснай работы па розных напрамках, у тым ліку ў сферы ваеннага супрацоўніцтва".

Па выніках мерапрыемства ва ўрачыстай абстаноўцы кіраўнікі абаронных ведамстваў падпісалі пратакол, які пацвердзіць намеры Беларусі і М'янмы ўмацаваць двухбаковае ваеннае супрацоўніцтва.

версія для друку

зрабіць стартавай

дабавіць у выбранае