Падзеі

Беларусь і Лаос правялі ў Мінску раўнд агульнапалітычных кансультацый

Фота з архiва

11 мая, Мінск /Кар. БЕЛТА/. Міністэрствы замежных спраў Беларусі і Лаоса правялі ў Мінску чарговы раўнд кансультацый па агульнапалітычных пытаннях. Аб гэтым БЕЛТА паведамілі ў прэс-службе беларускага знешнепалітычнага ведамства.

Беларускую дэлегацыю на перагаворах узначаліў першы намеснік міністра замежных спраў Сяргей Лукашэвіч, лаоскую - намеснік міністра замежных спраў Майтхонг Тхамавонгса.

"Бакі абмеркавалі актуальны стан і перспектывы развіцця ўзаемадзеяння, уключаючы арганізацыю сумесных мерапрыемстваў. Разгледзелі пытанні супрацоўніцтва ў палітычнай, гандлёва-эканамічнай, гуманітарнай сферах, удасканалення дагаворна-прававой базы, узаемадзеяння ў міжнародных арганізацыях", - расказалі ў прэс-службе МЗС.

Дыпламаты таксама абмяняліся думкамі па асобных пытаннях рэгіянальнага і глабальнага парадкаў дня.

Кіраўніка лаоскай дэлегацыі прыняў міністр замежных спраў Максім Рыжанкоў. Бакі адзначылі ўзаемную зацікаўленасць у далейшым развіцці шматпланавага супрацоўніцтва паміж Мінскам і В'енцьянам, удзяліўшы асаблівую ўвагу ўзаемадзеянню знешнепалітычных ведамстваў у бліжэйшай перспектыве і сумесным крокам па рэалізацыі дамоўленасцей у гандлёва-эканамічнай сферы.

Максім Рыжанкоў пацвердзіў гатоўнасць беларускага боку прыняць з афіцыйным візітам Прэзідэнта Лаоса Тханглуна Сісуліта па запрашэнні Прэзідэнта Беларусі Аляксандра Лукашэнкі.

Кіраўнік знешнепалітычнага ведамства аднавіў запрашэнне свайму калегу, намесніку прэм'ер-міністра - міністру замежных спраў Лаоса Тхангсавану Фамвіхану наведаць Беларусь з візітам у адказ.

версія для друку

зрабіць стартавай

дабавіць у выбранае