У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

5 Врс 2018

Беларусь і Кітай зацвердзілі праграму навукова-тэхнічнага супрацоўніцтва на 2019-2020 гады

5 верасня, Мінск /Аліна Грышкевіч - БЕЛТА/. Беларусь і Кітай зацвердзілі праграму навукова-тэхнічнага супрацоўніцтва на 2019-2020 гады, паведамілі карэспандэнту БЕЛТА ў пасольстве беларускай дзяржавы ў Пекіне.

Дакумент быў прыняты на другім пасяджэнні Камісіі па навукова-тэхнічным супрацоўніцтве беларуска-кітайскага міжурадавага камітэта па супрацоўніцтве, якое адбылося 4 верасня. Беларускую дэлегацыю на пасяджэнні ўзначальваў старшыня Дзяржаўнага камітэта па навуцы і тэхналогіях Аляксандр Шумілін, кітайскую - міністр навукі і тэхнікі Ван Чжыган.

У склад беларускай дэлегацыі ўваходзілі кіраўнікі Беларускага дзяржаўнага ўніверсітэта, Беларускага нацыянальнага тэхнічнага ўніверсітэта, Беларускага дзяржаўнага ўніверсітэта інфарматыкі і радыёэлектронікі, Аб'яднанага інстытута машынабудавання НАН Беларусі, Інстытута фізікі імя Б.І.Сцяпанава, Рэспубліканскага навукова-практычнага цэнтра трансфузіялогіі і медыцынскіх біятэхналогій і ААТ "КБДЭМ-ОМА".

У мерапрыемстве прыняў удзел пасол Беларусі ў Кітаі Кірыл Руды, які агучыў некаторыя прапановы па актывізацыі беларуска-кітайскага ўзаемадзеяння ў галіне інавацыйнага супрацоўніцтва.

На пасяджэнні былі абмеркаваны пытанні стварэння сумесных суб'ектаў інавацыйнай інфраструктуры і новых высокатэхналагічных вытворчасцей, у тым ліку на базе Кітайска-беларускага індустрыяльнага парка "Вялікі камень".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс