У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

20 Стд 2018

Беларусь і Кітай зацікаўлены ў развіцці навуковага супрацоўніцтва

20 студзеня, Мінск /Кар. БЕЛТА/. Беларусь і Кітай зацікаўлены ў развіцці навуковага супрацоўніцтва. Аб гэтым ішла размова ў час Беларуска-кітайскага навукова-практычнага семінара "Экспертна-аналітычнае забеспячэнне навуковага і гуманітарнага супрацоўніцтва Беларусі і КНР у кантэксце рэалізацыі праектаў ініцыятывы "Адзін пояс і адзін шлях", які прайшоў у Інстытуце эканомікі Нацыянальнай акадэміі навук Беларусі. Такая інфармацыя размешчана на сайце НАН, паведамляе БЕЛТА.

На семінары абмяркоўваліся такія пытанні, як экспертна-аналітычнае забеспячэнне беларуска-кітайскага супрацоўніцтва, прыярытэты рэалізацыі нацыянальных стратэгій развіцця, шляхі спалучэння ініцыятывы "Адзін пояс і адзін шлях" і стратэгіі развіцця знешняй палітыкі Беларусі, перспектывы паглыблення гандлёва-эканамічнага супрацоўніцтва Беларусі і Кітая, напрамкі развіцця Кітайска-беларускага індустрыяльнага парка "Вялікі камень".

У мерапрыемстве прынялі ўдзел больш за 40 прадстаўнікоў навуковых арганізацый, універсітэтаў, органаў дзяржаўнага кіравання, дыпламатычнага корпуса, СМІ, бізнес-супольнасці і экспертаў, зацікаўленых у развіцці беларуска-кітайскага навуковага і гандлёва-эканамічнага супрацоўніцтва. Спецыялісты з абедзвюх краін прадставілі тэматычныя даклады.

Падводзячы вынікі, дырэктар Інстытута эканомікі НАН Беларусі Валерый Бельскі і дырэктар Інстытута сусветнай эканомікі і палітыкі Кітайскай акадэміі грамадскіх навук Чжан Юйянь адзначылі неабходнасць паглыблення далейшага навуковага супрацоўніцтва, імплементацыі новых форм узаемадзеяння і пашырэння пераліку сумесных праектаў.

Арганізатарамі мерапрыемства выступілі Інстытут эканомікі НАН Беларусі і Інстытут сусветнай эканомікі і палітыкі Кітайскай акадэміі грамадскіх навук у адпаведнасці з пагадненнем аб навуковым супрацоўніцтве.

Інстытут эканомікі НАН Беларусі і Інстытут сусветнай эканомікі і палітыкі Кітайскай акадэміі грамадскіх навук рэалізуюць сумесны навукова-даследчы праект па вывучэнні перспектыў функцыянавання і стратэгіі развіцця Кітайска-беларускага індустрыяльнага парка "Вялікі камень" у адпаведнасці з ініцыятывай "Адзін пояс і адзін шлях".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс