Падзеі

Беларусь і Кітай пацвердзілі зацікаўленасць ва ўзмацненні супрацоўніцтва па ўсіх напрамках

16 студзеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Кітаі Аляксандр Чарвякоў 15 студзеня сустрэўся з памочнікам міністра замежных спраў Кітайскай Народнай Рэспублікі Лю Бінем. Пра гэта карэспандэнту БЕЛТА паведамілі ў беларускай загранустанове ў Пекіне.

Бакі падвялі вынікі ўзаемадзеяння ў 2025 годзе і далі высокую ацэнку дынамічнаму развіццю беларуска-кітайскіх адносін. Была адзначана актывізацыя палітычнага дыялогу, пашырэнне каардынацыі на міжнародных і рэгіянальных пляцоўках, паглыбленне ўзаемадзеяння па лініі знешнепалітычных ведамстваў і іншых структур.

Субяседнікі пацвердзілі ўзаемную зацікаўленасць у далейшым узмацненні супрацоўніцтва па ўсіх напрамках двухбаковага ўзаемадзеяння.

Дыпламатычныя адносіны паміж Рэспублікай Беларусь і Кітайскай Народнай Рэспублікай устаноўлены ў 1992 годзе. У верасні 2022 года на палях мерапрыемстваў Шанхайскай арганізацыі супрацоўніцтва лідары Беларусі і Кітая прынялі сумесную дэкларацыю аб устанаўленні найвышэйшага ў гісторыі ўзроўню адносін - усепагоднага і ўсебаковага стратэгічнага партнёрства. У сакавіку 2023 года ў ходзе дзяржаўнага візіту Прэзідэнта Беларусі Аляксандра Лукашэнкі ў Кітай кіраўнікі дзвюх краін па выніках перагавораў прынялі сумесную заяву аб асноўных прынцыпах развіцця ўзорных адносін усепагоднага і ўсебаковага стратэгічнага партнёрства Беларусі і Кітая ў новую эпоху.

версія для друку

зрабіць стартавай

дабавіць у выбранае