У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

18 Ліс 2015

Беларусь і Кітай падпісалі пратакол да міжурадавага пагаднення аб узаемных бязвізавых групавых турпаездках

18 лістапада, Мінск /Кар. БЕЛТА/. Беларусь і Кітай падпісалі пратакол да міжурадавага пагаднення аб узаемных бязвізавых групавых турыстычных паездках, паведамілі БЕЛТА ў прэс-службе Міністэрства спорту і турызму.

"Ад беларускага боку дакумент падпісаў міністр спорту і турызму Аляксандр Шамко, ад кітайскага - дырэктар Дзяржаўнага ўпраўлення па справах турызму Лі Цзіньцзаа. На агульную думку, уступленне ў сілу названага дакумента створыць неабходныя прававыя і арганізацыйныя ўмовы для развіцця і павелічэння двухбаковага турыстычнага абмену", - падкрэслілі ў прэс-службе.

У час перагавораў Аляксандр Шамко праінфармаваў Лі Цзіньцзаа, што са жніўня бягучага года дзейнічае ўказ Прэзідэнта Беларусі, які ўстанаўлівае для грамадзян Кітайскай Народнай Рэспублікі бязвізавы парадак уезду і выезду, а таксама транзітнага праезду праз тэрыторыю Беларусі і часовага знаходжання ў краіне на тэрмін да трох сутак. Такі парадак прадугледжаны для грамадзян КНР, якія прыбываюць прамымі авіярэйсамі з Кітая, пры наяўнасці ў пашпарце дзеючай візы дзяржаў - членаў Еўрапейскага саюза або дзяржаў - удзельніц Шэнгенскай зоны.

Міністр спорту і турызму адзначыў, што кітайскім турыстам прапануецца больш за 90 маршрутаў па Беларусі. Асаблівай папулярнасцю карыстаюцца культурна-пазнавальныя туры з наведваннем Мірскага і Нясвіжскага замкаў, ваенна-гістарычны турызм, а таксама так званы зялёны турызм з размяшчэннем у нацыянальных парках і сельскіх сядзібах. На думку Аляксандра Шамко, перспектыўнымі напрамкамі могуць стаць аздараўленне кітайскіх грамадзян у здраўніцах Беларусі, паляванне.

Вынікам супрацоўніцтва турыстычных арганізацый дзвюх краін стаў устойлівы паток кітайскіх турыстаў у Беларусь (амаль 11,5 тыс. у год).

"Разам з тым існуючы рэсурс для супрацоўніцтва выкарыстоўваецца не ў поўнай меры, улічваючы, што Кітай з'яўляецца адным з самых хутка растучых рынкаў выязнога турызму ў свеце", - працытавалі міністра ў прэс-службе. На яго думку, для пашырэння турыстычнага абмену паміж дзвюма краінамі неабходна актывізацыя кантактаў па ўсіх напрамках: ад органаў дзяржаўнага кіравання да грамадскіх аб'яднанняў і суб'ектаў гаспадарання. Гэтаму можа садзейнічаць, у тым ліку, стварэнне сумеснага беларуска-кітайскага тураператара, пашырэнне палётных праграм беларускіх і кітайскіх авіяліній, актыўнае распаўсюджванне інфармацыі аб нашых краінах.

Як адзначыў Аляксандр Шамко, беларускаму боку цікавы вопыт кітайскіх калег па стварэнні транспартнай, рэстараннай і гасцінічнай інфраструктуры, здольнай прыняць і абслужыць мільённыя патокі турыстаў. Цікава такая практыка рацыянальнага і эфектыўнага выкарыстання спартыўных аб'ектаў у турыстычных мэтах.

Міністр спорту і турызму Беларусі запрасіў кітайскага калегу наведаць Беларусь у мэтах умацавання ўзаемнага супрацоўніцтва.

Аляксандр Шамко наведаў міжнародную турыстычную выстаўку TRAVEL MART (CITM 2015), якая прайшла ў горадзе Куньмін, правёў перагаворы з кіраўнікамі турыстычных адміністрацый краін - удзельніц выстаўкі, абмеркаваўшы перспектыўныя напрамкі супрацоўніцтва.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс