У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

7 Ліс 2017

Беларусь і Кітай будуць развіваць супрацоўніцтва па пытаннях сацыяльна-працоўнай сферы

Фота Міністэрства працы і сацыяльнай абароны Беларусі8 лістапада, Мінск /Кар. БЕЛТА/. Беларусь і Кітай будуць развіваць супрацоўніцтва па пытаннях сацыяльна-працоўнай сферы. Такая інфармацыя размешчана на сайце Міністэрства працы і сацыяльнай абароны Беларусі, паведамляе БЕЛТА.

Прадстаўнікі Міністэрства працы і сацыяльнай абароны на чале з міністрам Ірынай Касцевіч наведалі з візітам Кітай. Візіт стаў чарговым крокам на шляху развіцця прамога і цеснага ўзаемадзеяння з профільным ведамствам кітайскага боку - Міністэрствам чалавечых рэсурсаў і сацыяльнага забеспячэння КНР.

Праграма візіту прадстаўнікоў Міністэрства працы і сацыяльнай абароны ў Пекін і Цяньцзінь уключала рабочыя сустрэчы і кансультацыі з міністрам чалавечых рэсурсаў і сацыяльнага забеспячэння КНР Інь Вэймінем, намеснікам міністра Цю Сяапінам, наведванне і правядзенне сустрэчы з кіраўніцтвам Усекітайскай федэрацыі прафсаюзаў, а таксама ва ўпраўленні чалавечых рэсурсаў і сацыяльнага забеспячэння, падраздзяленні інспекцыі працы і Цэнтры садзейнічання развіццю працоўных рэсурсаў Цяньцзіня.

У час сустрэч і кансультацый бакі абмяняліся актуальнай інфармацыяй і станоўчымі практыкамі работы па пытаннях сферы працы, сацыяльнага партнёрства і дзейнасці дзяржаўнай інспекцыі працы, іншых пытаннях сацыяльна-працоўнай сферы. З кіраўніцтвам профільнага ведамства КНР дасягнуты дамоўленасці аб прадаўжэнні цеснага ўзаемадзеяння, у тым ліку на экспертным узроўні, па пытаннях занятасці насельніцтва, прагназавання рынку працы і сацыяльнага партнёрства.

У Пекіне 29 верасня 2016 года быў падпісаны мемарандум аб узаемаразуменні па пытаннях супрацоўніцтва паміж Міністэрствам працы і сацыяльнай абароны Беларусі і Міністэрствам чалавечых рэсурсаў і сацыяльнага забеспячэння КНР. У мэтах развіцця міжведамаснага супрацоўніцтва і абмеркавання перспектыў узаемадзеяння ў адпаведнасці з мемарандумам у красавіку 2017 года арганізаваны візіт у Мінск дэлегацыі профільнага ведамства КНР на чале з намеснікам міністра Цю Сяапінам. У час візіту падпісаны план дзеянняў на 2017-2018 гады па рэалізацыі мемарандума, які прадугледжвае ў тым ліку абмен рабочымі візітамі для ўстанаўлення цесных дзелавых кантактаў і абмену вопытам па найбольш актуальных пытаннях працоўнай сферы, вызначэння характару і напрамкаў узаемадзеяння на перспектыву.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі