У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

26 Кст 2018

Беларусь і Францыя падпісалі міжурадавае пагадненне аб міжнародных аўтамабільных перавозках

Беларусь і Францыя падпісалі міжурадавае пагадненне аб міжнародных аўтамабільных перавозках

26 кастрычніка, Мінск /Кар. БЕЛТА/. Сёння ў Міністэрстве замежных спраў адбылося падпісанне міжурадавага пагаднення паміж Беларуссю і Францыяй аб міжнародных аўтамабільных перавозках пасажыраў і грузаў, перадае карэспандэнт БЕЛТА.

Дакумент падпісалі намеснік міністра транспарту і камунікацый Беларусі Аляксей Ляхновіч і дзяржаўны сакратар пры міністры Еўропы і замежных спраў Францыі Жан-Батыст Лемуан. Прадстаўнік Францыі адзначыў важнасць падпісанага пагаднення для развіцця двухбаковых адносін у цэлым і ў сферы транспарту ў прыватнасці.

Як растлумачыў карэспандэнту БЕЛТА начальнік упраўлення аўтамабільнага і гарадскога пасажырскага транспарту Міністэрства транспарту і камунікацый Беларусі Сяргей Дубіна, заключанае пагадненне юрыдычна замацоўвае існуючыя дамоўленасці паміж Беларуссю і Францыяй у сферы міжнародных аўтамабільных перавозак. "Гэта базавае пагадненне ў галіне арганізацыі перавозак аўтамабільным транспартам у міжнародных зносінах як пасажыраў, так і грузаў. Праект пагаднення быў узгоднены яшчэ ў 1990-я гады. Беларускім і французскім бокам выконваліся ўсе абавязацельствы, але сам дакумент не быў падпісаны. Мы і цяпер абменьваемся дазволамі на такі від перавозак. А пагадненнем уводзім у прававое поле нашы ўзаемаадносіны, юрыдычна іх замацоўваем", - сказаў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс