Падзеі

2 верасня, Мінск /Кар. БЕЛТА/. Перспектывы паглыблення міждзяржаўнага дыялогу абмяркоўваліся на сустрэчы Надзвычайнага і Паўнамоцнага Пасла Беларусі ў Эквадоры Ігара Палуяна з выконваючым абавязкі дырэктара дэпартамента Паўночнай Амерыкі і Еўропы МЗС Эквадора Сільвіяй Эспіндола і начальнікам упраўлення двухбаковых і шматбаковых адносін з Еўропай Гансала Гансалесам. Аб гэтым БЕЛТА паведамілі ў МЗС Беларусі.

У час сустрэчы абмяркоўваліся таксама перспектывы рэалізацыі буйных сумесных праектаў у сферах сейсмаразведкі і нафтаздабычы, будаўніцтва і адукацыйнага супрацоўніцтва, пытанні развіцця дагаворна-прававой базы двухбаковых адносін.

Як адзначылі ў прэс-службе МЗС, "у сувязі з гэтым бакі віталі плануемае на бліжэйшы час падпісанне міжурадавага пагаднення аб прадухіленні двайнога падаткаабкладання".