Падзеі
Беларусь і Чылі падпісалі пагадненне аб бязвізавых паездках для ўладальнікаў дыппашпартоў
22 лістапада, Мінск /Кар. БЕЛТА/. Намеснік міністра замежных спраў Беларусі Яўген Шэстакоў у час візіту ў Чылі сустрэўся з субсакратаром (намеснікам міністра) Міністэрства замежных спраў Чылі Эдгарда Рыверасам. Па выніках кансультацый бакі падпісалі пагадненне аб бязвізавых паездках для ўладальнікаў дыпламатычных, службовых і афіцыйных пашпартоў, паведамілі БЕЛТА ў прэс-службе МЗС.
У час беларуска-чылійскіх кансультацый паміж міністэрствамі замежных спраў абмеркаваны ўвесь комплекс актуальных пытанняў двухбаковых адносін, у тым ліку арганізацыя візітаў на розных узроўнях, стан і перспектывы гандлёва-эканамічных адносін, развіццё дагаворна-прававой базы, міжпарламенцкія адносіны, а таксама ўзаемадзеянне ў міжнародных арганізацыях. Закрануты некаторыя міжнародныя пытанні, якія ўяўляюць узаемны інтарэс.
"Па выніках кансультацый адбылося падпісанне пагаднення паміж урадам Рэспублікі Беларусь і ўрадам Рэспублікі Чылі аб бязвізавых паездках для ўладальнікаў дыпламатычных, службовых і афіцыйных пашпартоў і мемарандума аб узаемаразуменні паміж Міністэрствам замежных спраў Рэспублікі Беларусь і Міністэрствам замежных спраў Рэспублікі Чылі па пытаннях двухбаковых кансультацый", - адзначылі ў ведамстве.
версія для друку
зрабіць стартавай
дабавіць у выбранае