Падзеі

Беларусь і Бразілія маюць намер наладзіць узаемадзеянне па лініі прафсаюзаў

Фота з архiва

17 чэрвеня, Мінск /Кар. БЕЛТА/. Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Бразілія Андрэй Андрэеў у якасці ганаровага госця 16 чэрвеня прыняў удзел у пленарным пасяджэнні Сусветнага грамадскага саміту "Новы свет: Лацінская Амерыка ў стварэнні агульнай будучыні". Аб гэтым карэспандэнту БЕЛТА паведамілі ў пасольстве нашай краіны ў Бразіліі.

Мерапрыемства з удзелам палітычных, грамадскіх і рэлігійных дзеячаў, вучоных і журналістаў з больш як 20 краін, якое праходзіць у горадзе Салвадор штата Баія, арганізавана Міжнародным саюзам няўрадавых арганізацый "Асамблея народаў свету" і Цэнтральным саюзам працоўных Бразіліі. Мэта яго правядзення - пашырэнне практычных ініцыятыў у сферы грамадскай дыпламатыі.

У сваім выступленні на пленарным пасяджэнні Андрэй Андрэеў падкрэсліў, што Лацінская Амерыка з'яўляецца адным з ключавых цэнтраў шматпалярнага свету, які фарміруецца. У сваю чаргу Беларусь была і застаецца яе надзейным партнёрам, забяспечваючы харчовую бяспеку рэгіёна і паслядоўна выступаючы супраць палітычнага і эканамічнага шантажу, незаконных санкцый і абмежаванняў, якія падрываюць асновы міжнароднага права і б'юць па самых слабаабароненых слаях насельніцтва.

На палях мерапрыемства пасол Беларусі таксама сустрэўся з Адылсанам Араужа - прэзідэнтам Канфедэрацыі працоўных мужчын і жанчын Бразіліі - трэцяй па велічыні прафсаюзнай арганізацыі Бразіліі, якая аб'ядноўвае 1,65 млн членаў. Бакі дамовіліся аб прапрацоўцы канкрэтных крокаў беларуска-бразільскага ўзаемадзеяння па лініі прафсаюзных арганізацый.

версія для друку

зрабіць стартавай

дабавіць у выбранае