Падзеі

Беларусь і Аман увялі бязвізавы рэжым

Фота з архiва

17 сакавіка, Мінск /Кар. БЕЛТА/. Беларусь і Аман увялі бязвізавы рэжым. Аб гэтым карэспандэнту БЕЛТА паведамілі ў беларускім знешнепалітычным ведамстве.

17 сакавіка ўступіла ў сілу пагадненне паміж урадам Беларусі і ўрадам Амана аб узаемнай адмене віз для ўладальнікаў звычайных нацыянальных пашпартоў.

Гэты крок стаў прадаўжэннем дамоўленасцей, дасягнутых паміж Прэзідэнтам Беларусі і Султанам Амана, накіраваных на актывізацыю турыстычных, адукацыйных, бізнес-патокаў паміж дзвюма краінамі.

Грамадзяне Беларусі і Амана могуць уязджаць, выязджаць, перамяшчацца транзітам і знаходзіцца на тэрыторыі абедзвюх дзяржаў без віз тэрмінам да 30 дзён і сумарна не больш як 90 дзён у каляндарным годзе.

Тэрмін дзеяння пашпарта пры гэтым павінен складаць не менш як 6 месяцаў.

версія для друку

зрабіць стартавай

дабавіць у выбранае