Падзеі

Беларусь і Аман дамовіліся аб абмене выставамі і гастролямі творчых калектываў

20 снежня, Мінск /Кар. БЕЛТА/. Міністр замежных спраў Рэспублікі Беларусь Максім Рыжанкоў 20 снежня правёў сустрэчу з намеснікам старшыні Савета папячыцеляў Нацыянальнага музея Амана - памочнікам прарэктара Універсітэта імя Султана Кабуса па пытаннях міжнароднага супрацоўніцтва Монай бінт Фахад Аль Саід і генеральным сакратаром Нацыянальнага музея Амана Джамалем Аль Мусаві. Аб гэтым паведамляе БЕЛТА са спасылкай на беларускае знешнепалітычнае ведамства.

Сустрэча адбылася ў рамках візіту аманскай дэлегацыі для адкрыцця выставы аманскіх традыцыйных сярэбраных вырабаў, якая будзе працаваць у перыяд са снежня 2025 года па красавік 2026 года на пляцоўцы Нацыянальнага мастацкага музея Рэспублікі Беларусь.

У ходзе размовы бакамі зроблены акцэнт на важнасці развіцця супрацоўніцтва паміж Беларуссю і Аманам у сферы культуры і адукацыі. Адбылося дэталёвае абмеркаванне магчымасцей падключэння Нацыянальнага музея Амана да праекта будаўніцтва новага Нацыянальнага гістарычнага музея Рэспублікі Беларусь у адпаведнасці з запрашэннем кіраўніка беларускай дзяржавы, а таксама абмену выставамі і гастролямі творчых калектываў у 2026-2027 гадах.

Субяседнікі асабліва адзначылі высокую ацэнку ўзроўню дыялогу паміж Беларуссю і Султанатам Аман, дадзеную Аляксандрам Лукашэнкам у ходзе другога пасяджэння VII Усебеларускага народнага сходу, а таксама павышаную ўвагу лідараў дзвюх краін да развіцця ўзаемнага супрацоўніцтва.

версія для друку

зрабіць стартавай

дабавіць у выбранае