Падзеі

Беларусь і ААЭ будуць развіваць супрацоўніцтва ў галіне ядзернага рэгулявання

19 верасня, Вена /Кар. БЕЛТА/. Беларусь і Аб'яднаныя Арабскія Эміраты будуць развіваць супрацоўніцтва ў галіне ядзернага рэгулявання. Такая дамоўленасць сёння дасягнута ў Вене на сустрэчы беларускай дэлегацыі на чале з начальнікам Дэпартамента па ядзернай і радыяцыйнай бяспецы МНС (Дзяржатамнагляду) Вольгай Лугаўской з прадстаўнікамі Федэральнага ўпраўлення ядзернага рэгулявання ААЭ (FANR), перадае карэспандэнт БЕЛТА.

Аб'яднаныя Арабскія Эміраты завяршылі будаўніцтва першага энергаблока АЭС Барака ў рэгіёне Аль-Гарбія і рыхтуюць яго да ўводу ў эксплуатацыю. З улікам таго, што Беларусь таксама рыхтуецца да запуску першага энергаблока ўласнай станцыі, Федэральнае ўпраўленне ядзернага рэгулявання ААЭ зацікаўлена ў актыўным узаемадзеянні з беларускім рэгулятарам.

Бакі дамовіліся падрыхтаваць і падпісаць пагадненне аб супрацоўніцтве. Плануецца, што гэта адбудзецца ў 2020 годзе.

Беларускі бок таксама атрымаў запрашэнне FANR прыняць удзел у міжнародным форуме рэгулятараў, які пройдзе ў ААЭ.

версія для друку

зрабіць стартавай

дабавіць у выбранае