У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

24 Крс 2019

Бангладэш можа прыцягнуць беларускіх спецыялістаў і тэхналогіі для развіцця інфраструктуры

Бангладэш можа прыцягнуць беларускіх спецыялістаў і тэхналогіі для развіцця інфраструктуры
Фота МЗС

24 красавіка, Мінск /Кар. БЕЛТА/. Магчымасць прыцягнення беларускіх спецыялістаў і тэхналогій для стварэння ў Бангладэш аб'ектаў інфраструктуры абмеркавана на першым пасяджэнні беларуска-бангладэшскай сумеснай камісіі. Аб гэтым БЕЛТА паведамілі ў прэс-службе Міністэрства замежных спраў Беларусі.

Пасяджэнне камісіі прайшло ў беларускім знешнепалітычным ведамстве пад старшынствам намесніка міністра замежных спраў Беларусі Андрэя Дапкюнаса і міністра камерцыі Бангладэш Ціпу Муншы.

У час перагавораў абмеркаваны стан узаемнага гандлю і крокі па яго нарошчванні. Бакі адзначылі ўзаемадапаўняльны характар эканомік Беларусі і Бангладэш, які стварае шырокія магчымасці для павелічэння ўзаемных паставак прамысловых тавараў і сельскагаспадарчай прадукцыі, у тым ліку прадуктаў харчавання.

"Двухбаковая камісія вызначыла найбольш перспектыўныя сумесныя праекты ў галіне машынабудавання і абмеркавала магчымасці прыцягнення беларускіх спецыялістаў і тэхналогій для стварэння ў Бангладэш аб'ектаў інфраструктуры, - сказалі ў прэс-службе МЗС. - Беларускія прадстаўнікі, у прыватнасці, пацвердзілі гатоўнасць да істотнага нарошчвання экспарту ў Бангладэш дарожна-будаўнічай, сельскагаспадарчай і грузавой тэхнікі з арганізацыяй адпаведнай базы тэхнічнага абслугоўвання".

У міністэрстве дадалі, што бангладэшскія партнёры дакладна абазначылі патрэбнасць у атрыманні беларускіх тэхналогій і падрыхтоўцы спецыялістаў у пытаннях механізацыі сельскай гаспадаркі, у тым ліку ў галіне бульбаводства і перапрацоўкі аграрнай прадукцыі, у галіне ўрачэбнай адукацыі і даследаванняў, забеспячэння ядзернай бяспекі і ў высокатэхналагічнай вытворчасці.

Як паведамлялася, у Мінску бангладэшская дэлегацыя таксама сустрэлася са старшынёй Савета Рэспублікі Міхаілам Мясніковічам. На сустрэчы абмяркоўваліся ўмовы двухбаковага партнёрства, у тым ліку новы кантракт па пастаўках у паўднёваазіяцкую краіну тэхнікі на $100 млн.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс