У Беларусь без візы на 30 дзён
Афіцыйны сайт Рэспублікі Беларусь
Улада
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Улада | Падзеі

Падзеі

24 Лют 2016

Асноўны этап рэформы сістэмы кіравання дзяржфінансамі Беларусі завершыцца да канца 2019 года

24 лютага, Мінск /Кар. БЕЛТА/. Асноўны этап рэформы сістэмы кіравання дзяржаўнымі фінансамі Беларусі завершыцца да канца 2019 года, паведаміў сёння журналістам першы намеснік міністра фінансаў Беларусі Максім Ермаловіч перад пасяджэннем бюджэтнага супольніцтва PEMPAL, арганізаваным Мінфінам і Сусветным банкам, перадае карэспандэнт БЕЛТА.

"Стратэгія рэформы кіравання дзяржаўнымі фінансамі ў краіне, зацверджаная ў снежні мінулага года, уключае цэлы комплекс мерапрыемстваў. Да канца 2019 года мы павінны завяршыць асноўны этап, падрыхтаваць усіх удзельнікаў бюджэтнага працэсу да новых умоў і неабходныя змяненні заканадаўства. Усё гэта накіравана на тое, каб павысіць эфектыўнасць бюджэтных расходаў. Калі бюджэтныя даходы не растуць, рэзервы трэба шукаць у самой сістэме", - адзначыў Максім Ермаловіч.

Паводле слоў першага намесніка міністра, рэформа сістэмы кіравання дзяржфінансамі дасць магчымасць істотна павысіць эфектыўнасць бюджэтных расходаў і ацаніць якасць размеркавання бюджэту, у тым ліку з удзелам грамадзян. "Прадстаўленне бюджэту грамадзянам - гэта асобны блок пытанняў, і гэту работу мы таксама збіраемся правесці, прычым пачата яна будзе ўжо ў гэтым годзе. Так, у хуткім часе плануецца падрыхтаваць цэлы комплекс інфармацыйных матэрыялаў для інфармавання беларусаў аб бюджэце", - растлумачыў Максім Ермаловіч.

Сёння ў Мінску праходзіць штогадовае пленарнае пасяджэнне бюджэтнага супольніцтва PEMPAL (Public Expenditure Management Peer Assisted Learning - супольніцтва па ўзаемным вывучэнні і абмене вопытам у кіраванні дзяржаўнымі фінансамі). Тэма пасяджэння - "Выкарыстанне бюджэтных правіл для забеспячэння рэзультатыўнасці і ўстойлівасці бюджэту". У мерапрыемстве ўдзельнічаюць прадстаўнікі 20 краін і эксперты міжнародных арганізацый - Сусветнага банка, Міжнароднага валютнага фонду і Арганізацыі эканамічнага супрацоўніцтва і развіцця.

На гэтым пасяджэнні бюджэтнага супольніцтва PEMPAL прапанавана ўзяць для аналізу практыкі прымянення бюджэтных правіл прыклады Расіі, Албаніі і Беларусі. Беларусь як краіна, якая прымае мерапрыемства, прапануе ўвазе супольніцтва сваю нядаўна завершаную стратэгію па кіраванні дзяржаўнымі фінансамі, на якую краіна абапіраецца, імкнучыся забяспечыць эфектыўнасць і ўстойлівасць бюджэтнага працэсу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс